Tags-Hijr

sorish-e-hijr ne ik sīm-badan ke mujh ko
aisā phūñkā hai ki iksīr banā rakkhā hai

ḳhayāl-e-zulf meñ chhā.ī ye tīrgī shab-e-hijr
ki ḳhāl-e-chehra-e-zaḳhmī charāġh-e-ḳhāna huā

'haidar' apnī tāsīreñ le aa.e āḳhir
hijr meñ ham ne jitne naale kar rakkhe the

zindagī kārvāñ kā hissa hai
hijr kī dāstāñ kā hissa hai

vasl kī sub.h ke hone meñ hai kuchh der abhī
dāstāñ hijr kī kuchh aur baḌhā lī jaa.e

kyā hijr meñ jī niDhāl karnā
kuchh zikr-e-shab-e-visāl karnā

dil khol kar haiñ barsīñ phir se hamārī āñkheñ
'shāhīn' hijr-e-mausam phir se nikhar rahā hai

us se ḳhvāboñ meñ sāmnā hogā
hijr kā lutf do-gunā hogā

vaslat-e-kār baham ho ki haiñ jam.a din raat
pesha-e-hijr ke be car tire kūche meñ

sub.h gar sub.h-e-qayāmat ho to kuchh parvā nahīñ
hijr kī jab raat aisī be-qarārī meñ kaTī

shab-e-hijr aah kidhar ga.ī kahūñ kis se naala kidhar gayā
jo guzar ga.ī vo guzar ga.ī jo guzar gayā vo guzar gayā

aisī sunsān kabhī pahle na thī hijr kī raat
duur tak qāfila-e-sub.h ke āsār nahīñ

kahīñ ḳhūn-e-dil se likhā to thā tire sāl-e-hijr kā sāneha
vo adhūrī Diary kho ga.ī vo na-jāne kaun sā saal thā

mujhe aisā lutf atā kiyā ki jo hijr thā na visāl thā
mire mausamoñ ke mizāj-dāñ tujhe merā kitnā ḳhayāl thā

ishq ne apnī jaan ko rog ka.ī lagā liye
hijr-o-visāl umīd-o-bīm kaun balā-e-jāñ na thā

hijr-e-dīdār bhī mahrūmī-e-dīdār bhī hijr
jo kabhī ḳhatm na ho aisā safar hai koī

jā basā thā jo kisī hijr ke sahrā meñ kabhī
ai havāo kaho is dil kī ḳhabar hai koī

vo shab-e-hijr vo tārīk fazā vo vahshat
koī ġham-ḳhvār na thā dard kī shiddat ke sivā

mujhe ma.alūm hai ki kuchh na badlegā
na shāḳh-e-hijr par āsār ā.eñge ḳhizāoñ ke

mahshar-e-hijr tirā sūrat-e-ḳhas sāmne hai
ik baras biit gayā ek baras sāmne hai