Tags-Aasraa

de gayā likh kar vo bas itnā judā hote hue
ho ga.e be-āsrā ham aasrā hote hue

merī himmat bhī hausla bhī gayā
zinda rahne kā aasrā bhī gayā

merī himmat the hausla the tum
zinda rahne kā aasrā the tum

pukār leñge us ko itnā aasrā to chāhiye
duā ḳhilāf-e-vaza.a hai magar ḳhudā to chāhiye

maut ne aasrā diyā bhī to kab
jab musībat ke din guzār aa.e

meñ jhuum jhuum gayā le ke aasrā us kā
ki merī samt achānak ḳhushī ne dekhā hai

karte rahe huzūr pe takiya aḳhīr tak
ham āsare ke hone se be-āsrā hue

haiñ mere aziiz mere sāthī
kab se mirā aasrā rahe haiñ

tum safīna bhī nāḳhudā bhī ho
tum talātum bhī aasrā bhī ho

saarī duniyā ho nā-umīd to kyā
mujhe terā hī aasrā hai hanūz

aasrā de ke mere ashk na chhīn
yahī le de ke bachā hai mujh meñ

hazār qaid-e-ḳhizāñ se chhuT kar bahār kā aasrā kareñge
bahār bhī ham-qafas-zadoñ ko na raas aa.ī to kyā kareñge

salāmat dāman-e-ummīd 'sīmāb'
mohabbat meñ kisī kā aasrā kyā

le de ke rah gayā hai yahī ek aasrā
aisā kabhī na ho ki vo tark-e-vafā kare

jo mujh ko aap hī dar se uThā deñ
koī rakkhe kisī kā aasrā kyā

sar pe dast-e-havā hai sadiyoñ se
ġhaib kā aasrā hai sadiyoñ se

din ke sahrā se jab banī jaañ par
ek mub.ham sā aasrā pā kar

mujhe aasrā bhī nahīñ kisī kī duāoñ kā
mujhe ḳhauf aatā hai yuuñ bhī vaqt-e-zavāl se

kuchh kah do jhuuT hī ki tavaqqo bañdhī rahe
toḌo na aasrā dil-e-ummīd-vār kā

umiid koī nahīñ aasrā bhī koī nahīñ
davā bhī koī nahīñ ab duā bhī koī nahīñ