Tags-Ijazat

dil agar kuchh maañg lene kī ijāzat māñgtā
ye mohabbat-zād tajdīd-e-mohabbat māñgtā

tum āñkhoñ se mujhe jaañ ke safar kī mat ijāzat do
agar utrā lahū meñ phir na āsānī se niklūñgā

hujūm-e-be-ḳhudī meñ ai 'nasīm' ab pās-e-ma.anī kyā
ijāzat de burā achchhā likheñ jo kuchh qalam tere

lab-e-jāñ-baḳhsh-e-jānāñ kab ijāzat deñge marne kī
qayāmat tak na dekheñge qadam ḳhvāb-e-adam tere

mat banā koī bhī bahāna tū
jaane vaale tujhe ijāzat hai

to farāham na ho mujh ko ye hai marzī terī
tujh ko jab chāhūñ bulā luuñ ye ijāzat mujhe de

saañs letī ek ḳhushbū hai jise
vird karne kī ijāzat hai hameñ

sayyād ne dī ruḳhsat-e-parvāz par afsos
tū ne na ijāzat mujhe be-bāl-o-parī dī

na taḌapne kī ijāzat hai na fariyād kī hai
ghuT ke mar jā.ūñ ye marzī mire sayyād kī hai

ye jo duniyā hai ise itnī ijāzat kab hai
ham pe apnī hī kisī baat kā ġhussa utrā

shab ke mahbūs haiñ sone kī ijāzat hī nahīñ
aañkh lagtī hai to dīvār se sar lagtā hai

ye rāste meñ jo shab khaḌī hai haTā rahā huuñ muaaf karnā
baġhair ijāzat maiñ din ko bastī meñ lā rahā huuñ muaaf karnā

ai dil tujhe ijāzat-e-fariyād hai magar
rusvā.ī hai agar shunavā.ī na ho sakī

tumheñ mātam manāne kī ijāzat hī nahīñ 'iqrā'
shajar pattoñ ke girne par kabhī royā nahīñ karte

jumbish-e-lab kī ijāzat hai na izn-e-parvāz
kis liye tū ne mujhe qaid se āzād kiyā

hazrat-e-qais agar aap ijāzat de deñ
kabhī vahshat ke liye dasht meñ aa.uuñ maiñ bhī

laakh kahte raheñ zulmat ko na zulmat likhnā
ham ne sīkhā nahīñ pyāre ba-ijāzat likhnā

vo to pahle bhī sabīloñ meñ nahīñ haTtī thī
jis ke bikne kī dukānoñ pe ijāzat nahīñ ab

Thikānā hai kahīñ jaa.eñ kahāñ nā-chār baiThe haiñ
ijāzat jab nahīñ dar kī pas-e-dīvār baiThe haiñ

parvāna hone kī bhī ijāzat nahīñ mujhe
ālam-fareb hai tirī mahfil to kyā karūñ