Tags-Ijazat

mire mash.al jalāte hī sitāra Duub kar niklā
maiñ samjhā huuñ mujhe bhī lauT jaane kī ijāzat hai

ijāzat agar sar paTakne kī hogī
muqaffal dar-e-yār ham khol leñge

jin ko āñkhoñ meñ basāne kī ijāzat bhī nahīñ
vo tasavvur dil-e-bebāk meñ aa jaate haiñ

mirī taraf se ijāzat hai dekh lo ḳhud hī
kahīñ judā.ī kī sūrat agar nikaltī hai

nahīñ raushan diloñ kī qadr kuchh arbāb-e-zāhir ko
ijāzat baiThne kī sham.a ko dī kis ne mahfil meñ

zindagī ham ko mohabbat kī ijāzat de de
hasb-e-taufīq tirā shukr kiye jā.eñge

āzmā.ish hai, ijāzat hai ki majbūrī hai
zulm ko ham ne yahāñ phūlte-phalte dekhā

ishq ke māroñ ko ādāb kahāñ aate haiñ
tere kūche meñ chale aa.e ijāzat ke baġhair

taḌapne kī ijāzat jazba-e-bismil se miltī hai
jo dil mushtāq ho to phir zarā mushkil se miltī hai

jaan dene kī ijāzat dījiye
sar mirā sarkār ke qābil nahīñ

mire Thahrāo ko kuchh aur bhī vus.at dī jaa.e
ab mujhe ḳhud se nikalne kī ijāzat dī jaa.e

kaise sābit-qadam vo rahegā us kī tauba kā kyā haal hogā
jis ko sunte haiñ shaiḳh-e-haram se mai-kashī kī ijāzat milegī

raushnī ke liye darvāza khulā rakhnā hai
shab se ab koī ijāzat nahīñ lī jā saktī

tumhārā naam likhne kī ijāzat chhin ga.ī jab se
koī bhī lafz likhtā huuñ to āñkheñ bhiig jaatī haiñ

konā haath aa.e to pallū ko pakaḌ lete haiñ log
thoḌī anjānī ijāzat bhī burī hotī hai

ham ne kyā us se mohabbat kī ijāzat lī thī
dil-shikan hī sahī par baat bajā us kī hai

be-zabānī par mirī bolā ḳhudā
lab-kushā.ī kī ijāzat hai yahāñ

musībat zindagī kī kis ke ghar ab sar chhupā.egī
ajal itnī ijāzat de ki maiñ letā chalūñ vo bhī

kahā maiñ ne ki de us ko ijāzat aah karne kī
kahā us ne bhaḌak uTThe agar soz-e-jigar kyā ho

kahā maiñ ne ki hai soz-e-jigar aur uff nahīñ kartā
kahā is kī ijāzat hī nahīñ phir nauhagar kyā ho