Collections

Lab Shayari

Motivational Ghazals

Best Khamoshi Shayari

More Collections

Tags-Ijazat

pahle to arz-e-ġham kī ijāzat na deñge vo
vaqfa bahut qalīl sā hogā agar huā

har tajraba shikar-e-fareb-e-nazar hua

vaqt-e-dīdār ajab hukm huā
hosh khone kī ijāzat na rahī

sher kahne ki tabiat na rahi

maiñ huuñ ki ishtiyāq meñ sar-tā-qadam nazar
vo haiñ ki ik nazar kī ijāzat nahīñ mujhe

ye to nahin ki tum se mohabbat nahin mujhe

maiñ to us ko ḳhudā samajhtā huuñ
dekhne kī kahāñ ijāzat hai

ek aziyyat hai kar-e-wahshat hai

paḌ ke pairoñ par parastish kī ijāzat chāhnā
aur mirā vo baukhlānā aaj tak bhūlā nahīñ

zindagi mein tujhko pana aaj tak bhula nahin

añdherī shab hai zarūrat nahīñ batāne kī
mirī taraf se ijāzat hai lauT jaane kī

andheri shab hai zarurat nahin batane ki

miyā.ūñ miyā.ūñ miyā.ūñ miyā.ūñ
ijāzat talab aaise kartī hai billī

billi

ijāzat ho to maiñ tasdīq kar luuñ terī zulfoñ se
sunā hai zindagī ik ḳhūb-sūrat daam hai saaqī

ijazat ho to main tasdiq kar lun teri zulfon se

ik aise vaqt meñ vo donoñ ho ga.e ābād
jahāñ kisī ko ijāzat nahīñ thī aane kī

isi jahaz ke sahra mein Dub jaane ki

nahīñ detī ijāzat jhuuT kahne kī ye ḳhuddārī
agar sach bolte haiñ mahfiloñ meñ sar nahīñ rahtā

guzar jae jo aankhon se wo phir manzar nahin rahta

dil meñ tujh ko shumār kar luuñ maiñ
ho ijāzat to pyaar kar luuñ maiñ

dil mein tujhko shumar kar lun main

suḳhanvarī kī ijāzat to dil ne de dī thī
magar zabān ne iz.hār-e-mudda.ā na kiyā

saba-o-gul ko mah-o-najm ko diwana kiya

mujh ko sahrāoñ se jaane kī ijāzat hotī
phir ye dariyā na samundar na kināre hote

meri mahfil mein agar chand sitare hote

mujh se salāh lī na ijāzat talab huī
be-vaj.h ruuTh baiThe haiñ apnī ḳhushī se aap

aashiq samajh rahe hain mujhe dil lagi se aap

maiñ agar chāhūñ to jiine kī ijāzat de kar
zindagī tujh ko ḳhasāre se uThā saktī huuñ

aasman ek kinare se uTha sakti hun

ijāzat se tumhārī guftugū kī sañg-rezo ne
barābar sunñe vāloñ ne sunī taqrīr miTTī kī

KHuda-malum kis ki chand se taswir miTTi ki

ijāzat bāzyābī kī na de vo pāsbāñ shāyad
na pahuñche ḳhvāb-gāh-e-nāz tak merī fuġhāñ shāyad

jabin-e-shauq par koi hua hai mehrban shayad

jaan dene kī ijāzat bhī nahīñ dete ho
varna mar jaa.eñ abhī mar ke manā leñ tum ko

bandh len hath pe sine pe saja len tumko

vo bhī din aa.e ki dahlīz pe aa kar 'az.har'
paañv rukte haiñ mire terī ijāzat ke liye

milte julte hain yahan log zarurat ke liye

tumhāre ḳhvāb kī ta.abīr ho jā.ūñ ijāzat hai
mohabbat kī maiñ ik tasvīr ho jā.ūñ ijāzat hai

tumhaare KHwab ki tabir ho jaun ijazat hai