Tags-Imprisonment

qayās qaid tanāsub shabīh saj.a nazīr
kalī ko chūmā to jaise kalī kalī se milī

majāz qaid muamma shabīh istiqbāl
kisī se aañkh milāne meñ adbiyāt paḌhī

phir rahā hai mirī nazroñ meñ sarāpā terā
āh-o-qaid-e-sitam aur buḌhāpā terā

ban gayā qaid kā farmān bhī rāhat kī naved
hue tārīkī-e-zindāñ meñ tire baal saped

qaid-e-hayāt o band-e-ġham asl meñ donoñ ek haiñ
maut se pahle aadmī ġham se najāt paa.e kyuuñ

isī ummīd pe marmar ke jiye jaatā huuñ
vo mirī qaid se kab degā rihā.ī mujh ko

kiyā botal meñ dil ko qaid phir pheñkā samundar meñ
mire siine se dil kā duur ho jaanā zarūrī thā

hazāroñ hasrateñ haiñ ḳhvāhisheñ haiñ qaid jab dil meñ
mujhe pā kar tirā un ko bhī to paanā zarūrī thā

kahānī maiñ sunātī roz ik us ko rihā.ī kī
qafas meñ qaid dil ko ḳhvāb dikhlānā zarūrī thā

āzād kiye qaid siiñ tasbīh kī us kuuñ
hai gardan-e-zunnār pe ehsān hamārā

kar chukā qaid se jis vaqt ki āzād mujhe
haath maltā hī rahā dekh ke sayyād mujhe

qaid ko toḌ ke samjhā ki sahārā toḌā
haath meñ paañv kī zanjīr liye baiThā huuñ

dikhā.ī chashm-e-ġhazālāñ ne halqa-e-zanjīr
hameñ to gosha-e-sahrā bhī qaid-ḳhāna huā

mujrim the jo ham so qaid hue sayyād magar ab ye to batā
har vaqt ye kis ko DhūñDte haiñ dīvār ke saa.e zindāñ meñ

rihā.ī na deñge vo qaid-e-sitam se
na jab tak merī jaan ko ol leñge

qaid-e-maz.hab vāqa.ī ik rog hai
aadmī ko chāhiye āzād ho

mere jazboñ ke fusūñ meñ qaid vo hotā huā
us ke lahje kī khanak mujh par asar kartī huī

us ke dam se hai apnī ābādī
qaid ham ko bhalī ki āzādī

pahnāne vaale agar beḌiyāñ pahnā.eñge
ḳhushī se qaid ke goshe ko ham basā.eñge

qaid-e-hayāt o band-e-ġham asl meñ donoñ ek haiñ
maut se pahle aadmī ġham se najāt paa.e kyuuñ