Tags-Imprisonment

le de ke bach rahī hai jo tahzīb kī zabāñ
'ma.asūm' vo bhī ālī-janāboñ meñ qaid hai

suune paḌe haiñ dil ke dar-o-bām in dinoñ
jalvoñ kā ehtimām hijāboñ meñ qaid hai

ujāle fardā ke DhūñDhtī haiñ thakī nigāheñ
ye kin hisāroñ meñ qaid hai apnī zaat likhnā

faiz se tere hī ai qaid-e-farañg
baal o par nikle qafas ke dar khule

kin kin kī ātmā.eñ pahāḌoñ meñ qaid haiñ
āvāz do to bajte haiñ patthar ke daf yahāñ

chhuḌā de qaid se ai barq ham asīroñ ko
lagā de aag qafas ko bhī āshiyāñ kī tarah

chhalak chhalak ke baḌhā merī samt niiñd kā jaam
pighal pighal ke gire qufl qaid-ḳhānoñ ke

qaid kā itnā maza mat lījiye
ro paḌeñge gar bahālī ho ga.ī

hisār-e-jism mirā toḌ-phoḌ Dālegā
zarūr koī mujhe qaid se chhuḌā legā

siina sad-chāk karo dil se na aġhrāz karo
qaid rahne do abhī dasht meñ zindānī ko

rañg hai be-qaid imkāñ aur ḳhushbū lā-makāñ
is sarāpā rañg-o-nik.hat se gile karte haiñ log

sunahrī ghaḌiyāñ bhī āḳhir to biit jaatī haiñ
ye qaid hoñgī faqat lab pe baat aane se

qaid-e-imkāñ se tamannā thī gamīñ chhūT ga.ī
paañv ham ne jab uThāyā to zamīñ chhūT ga.ī

ḳhud hī jhuktā huuñ ki da.avā-e-junūñ kyā kījiye
kuchh gavārā bhī hai ye qaid-e-dar-o-bām abhī

ḳhauf ke jazīre meñ.. qaid huuñ maiñ barsoñ se
duur tak fasīleñ haiñ

jahāñ chāho merā naam likho, jo chāho tum ilzām likho
mujhe ishq ne barsoñ qaid rakhā mujhe, hijr kī gahrī shaam likho

asar-e-qaid-e-ta.ayyun se bhī āzād hai dil
kis tarah band-e-alā.eq ho gavārā mujh ko

ġham-e-hayāt se ham bhī jo Dar ga.e hote
to qaid-e-zīst meñ rah ke bhī mar ga.e hote

suḳhan-shanās fasīloñ kā hai sukūt ġhazab
suḳhan-tarāz haiñ zanjīreñ qaid-ḳhānoñ meñ

bose biivī ke hañsī bachchoñ kī āñkheñ maañ kī
qaid-ḳhāne meñ giraftār samajhiye ham ko