Collections

Lab Shayari

Motivational Ghazals

Best Khamoshi Shayari

More Collections

Tags-Imprisonment

kabhī is raushnī kī qaid se bāhar bhī niklo tum
hujūm-e-husn ne saarā sarāpā gher rakkhā hai

kabhi is raushni ki qaid se bahar bhi niklo tum

rahā karte haiñ qaid-e-hosh meñ ai vā.e-nākāmī
vo dasht-e-ḳhud-farāmoshī ke chakkar yaad aate haiñ

bhulata lakh hun lekin barabar yaad aate hain

sub.h-dam maiñ kholtā huuñ qufl jis zindān kā
din Dhale us qaid-ḳhāne meñ palaT aatā huuñ maiñ

zindagani se lipaT kar KHud ko bahlata hun main

tū miTTī paanī aag havā meñ hai qaid kyuuñ
hone kā de javāz tab-o-tāb se nikal

andhe adam wajud ke girdab se nikal

tū abhī rahguzar meñ hai qaid-e-maqām se guzar
misr o hijāz se guzar pāras o shaam se guzar

tu abhi rahguzar mein hai qaid-e-maqam se guzar

qaid meñ itnā zamāna ho gayā
ab qafas bhī āshiyāna ho gayā

qaid mein itna zamana ho gaya

chehroñ ko qaid se hue āzād gar kabhī
bikhre hue vajūd ko kaise bachā.iye

maqtal se jab guzar ke harifana aaiye

qaid haiñ kaun se zindāñ meñ na jaane ham log
roz ūñchī huī jaatī haiñ 'qamar' dīvāreñ

ek diwar agar ho to yahan sar maren

majbūriyoñ kī jail meñ hai qaid vo kahīñ
varna to mere pyaar ko kartā salām hai

guzra udasiyon mein hi jiwan tamam hai

tum ne dekhā koī us kā pūchhne vaalā nahīñ
thā maraz meñ mubtalā vo qaid-e-nik.hat kā asiir

gautam-budh

dil ke nagar meñ qaid haiñ chāhat kī bulbuleñ
vo mausam-e-bahār ke manzar nahīñ rahe

pahli si chahaton ke wo manzar nahin rahe

maiñ Thahre paanī kī mānind qaid huuñ ḳhud meñ
koī nasheb kī jānib mujhe bahā hī de

mata-o-mal na de daulat-e-tabahi de

mar gayā jo asīr-e-qaid-e-hayāt
tañgnā-e-jahān se niklā

tir jo us kaman se nikla

qaid-e-ḳhudī meñ aadmī insāñ na ho sakā
zarra simaT gayā to bayābāñ na ho sakā

zahid asir-e-gesu-e-jaanan na ho saka

jism par qaid hai jazbāt pe zanjīreñ haiñ
fikr mahbūs hai guftār pe tāzīreñ haiñ

chand roz aur meri jaan

kahāñ tak saath deñge shahr vaale
kahāñ tak qaid āvāzeñ raheñgī

badan bhigenge barsaten rahengi

sadā-e-dil ko tah-e-dil meñ qaid kar ke rakhā
rahā hai tauq-e-gulū shauq-e-āfiyat kyā kyā

rahi hai parda-e-ulfat mein maslahat kya kya

sahmā sahmā khoyā khoyā kab se baiThā sochā rahā huuñ
kis ne mujh ko qaid kiyā hai lafzoñ kī dīvār ke pīchhe

harfon ka dil kanp raha hai lafzon ki diwar ke pichhe

lafz kī qaid se rihā ho jā
aa mirī aañkh se adā ho jā

lafz ki qaid se riha ho ja

ajab ye zindagī kī qaid hai duniyā kā har insāñ
rihā.ī māñgtā hai aur rihā hone se Dartā hai

yahan har shaKHs har pal hadsa hone se Darta hai