Tags-Intezar

ham ajiib tarz ke log the ki hamāre aur hī rog the
maiñ ḳhizāñ meñ us kā thā muntazir use intizār-e-bahār thā

mizha pe ḳhvāb nahīñ intizār sā kuchh hai
bahār to nahīñ aks-e-bahār sā kuchh hai

kahīñ to gosha-e-dil meñ ummīd baaqī hai
kahīñ hai us kī nazar meñ bhī intizār sā kuchh

yaqīñ bhī hai ki use lauT kar nahīñ aanā
magar hai shām-o-sahar phir bhī intizār mujhe

dost ke īfā-e-va.ada kā hai ab tak intizār
guzrā october november bhī september kī tarah

guzarne vaale musāfir se kī umīd-e-vafā
har ek rah se koī intizār le ke uThā

kis intizār meñ hai ghar kā band darvāza
havā bhī sāya-e-zanjīr hī na ban jaa.e

tiin sau saal se haiñ hind ke mai-ḳhāne band
ab munāsib hai tirā faiz ho aam ai saaqī

ab intizār tumhārā maiñ aur kyā kartā
huī thī der bahut mujh ko duur jaanā thā

balā se jaan ga.ī intizār meñ merī
mujhe to aap kā ik va.ada āzmānā thā

kis kā surāġh jalva hai hairat ko ai ḳhudā
ā.īna farsh-e-shash-jahat-e-intizār hai

ġhaflat kafīl-e-umr o 'asad' zāmin-e-nashāt
ai marg-e-nā-gahāñ tujhe kyā intizār hai

pach aa paḌī hai vāda-e-dil-dār kī mujhe
vo aa.e yā na aa.e pe yaañ intizār hai

shitāb aa.iyo Thahrā rakheñge ham us ko
jo jaañ laboñ pe shab-e-intizār Thahregā

mahājanoñ se kaho thoḌā intizār kareñ
sharāb-ḳhāne se aa kar hisāb kar dūñgā

maiñ intizār meñ huuñ tū koī savāl to kar
yaqīn rakh maiñ tujhe lā-javāb kar dūñgā

terī hī justujū meñ lagā hai kabhī kabhī
maiñ tere intizār meñ huuñ bhī nahīñ bhī huuñ

āhaToñ kā asar nahīñ mujh par
jaane maiñ kis ke intizār meñ huuñ

ham intizār kareñ ham ko itnī taab nahīñ
pilā do tum hameñ paanī agar sharāb nahīñ

kal shaam mere qatl kī tārīḳh thī magar
dushman kā intizār bahut der tak rahā