Tags-Ishq

ik ḳhātūn ne ye farmāyā
ishq meñ hai talvār kī tezī

hosh kī taufīq bhī kab ahl-e-dil ko ho sakī
ishq meñ apne ko dīvāna samajh baiThe the ham

ek duniyā dard kī tasvīr niklī ishq ko
koh-kan aur qais kā qissa samajh baiThe the ham

rafta rafta ishq mānūs-e-jahāñ hotā chalā
ḳhud ko tere hijr meñ tanhā samajh baiThe the ham

phir ahl-e-ishq kī taḳhlīq hotī hai pahle
junūñ kī aag meñ barsoñ ḳhamīr rahtā hai

ishq huuñ jur.at-e-iz.hār bhī kar saktā huuñ
ḳhud ko rusvā sar-e-bāzār bhī kar saktā huuñ

vo ishq kī vahshatoñ kī zad meñ vo taaj kī rif.atoñ ke aage
magar abhī aazmā rahe haiñ magar abhī aazmā rahe haiñ

umr bhar ishq kā fareb rahā
kab hameñ apnā intizār na thā

mas.ala aaj mire ishq kā tū hal kar de
pyaar kar TuuT ke mujh se mujhe pāgal kar de

Duub jā.ūñ maiñ tire ishq-samundar meñ 'nadīm'
apnī sāñsoñ se mirī sāñsoñ ko bojhal kar de

tujh ko māñgā tamām shab ham ne
ishq se jān-o-tan vuzū kar ke

ishq meñ dil-lagī sī rahtī hai
ġham bhī ho to ḳhushī sī rahtī hai

rahtā hai mirī jaan kahīñ ishq bhī pinhāñ
zāhir haiñ tirī shakl se āsār-e-mohabbat

ishq meñ koī bhī saudā 'āsim'
ham ne kab rakkhā hai sar tak mahdūd

ishq āzār kar diyā jaa.e
ġham ko bedār kar diyā jaa.e

sharāb-e-ishq na ai dost pījiyo hargiz
isī nashe kā ham ab tak ḳhumār rakhte haiñ

agarche ishq hai puure vajūd kā dushman
magar jo dil pe guzartī hai nīm-jāñ se na pūchh

merī mohabbat un par kāmil
ishq mirā nākām nahīñ hai

itnī to dīd-e-ishq kī tāsīr dekhiye
jis samt dekhiye tirī tasvīr dekhiye

ishq hai ziist kī rag rag meñ lahū kī mānind
jāvedāñ ishq ko kis tarah maiñ faanī likkhūñ