Tags-Ishq

sūrateñ kyā kyā na badlīñ mere soz-e-ishq ne
ashk āñkhoñ meñ banā hoñToñ pe chhālā ho gayā

Tapke jo ashk valvale shādāb ho ga.e
kitne ajiib ishq ke ādāb ho ga.e

ishq ne nāseh-e-mushfiq kī sunī hī kab thī
aql hī dil kī nigahbāñ ho zarūrī to nahīñ

ishq maqnātīs par sab jamā the zarre hamāre
muntashir miTTī ke mansūbe mukammal ho ga.e the

auroñ kā hai payām aur merā payām aur hai
ishq ke dard-mañd kā tarz-e-kalām aur hai

hisāb-e-sūd-o-ziyāñ kis tarah se mumkin ho
huzūr ishq koī kārobār bhī to nahīñ

vo kāfir ishq kā hai dil ki merī bhī rag-e-jāñ tak
sadā zunnār hī tasbīh hai us nā-musalmāñ ko

mahāz-e-ishq se kab kaun bach ke niklā hai
tū bach gayā hai to ḳhairāt kyuuñ nahīñ kartā

is baar mujhe ishq kā āzār nahīñ hai
is baar mohabbat meñ hai dil-gīr koī aur

ishq-e-ḳhāl-e-yār ne aisā kiyā zār-o-nahīf
baiThe rahne ko mire kaafī hai ab til bhar zamīñ

ishq hī girya-e-nadāmat hai
varna āshiq ko chashm-e-ḳhiffat hai

zabān-e-tesha bahut kaam aa.ī ai farhād
jo ishq ne tirī zor-āzmā.iyāñ dekhīñ

kuchh ham girift-e-gardish-e-daurāñ meñ aa ga.e
kuchh dil bhī tere ishq meñ sābit-qadam na thā

vo daur-e-ishq mahz bhī kiyā vaqt thā 'azīm'
jab dil pe naqsh mohr-o-nishān-e-sitam na thā

kaisā pyaar kahāñ kī ulfat ishq kī baat to jaane do
mere liye ab us ke dil se hamdardī bhī ḳhatm huī

tirā husn hai mirī zindagī tirā ishq hai mirī āshiqī
tirī fikr hai mirī shā.irī tirā zikr mere kalām se

tirā soz-e-ishq hai zindagī tirā jazb-e-husn hai be-ḳhudī
tujhe pā ke ḳhush hai tirā 'zakī' nahīñ kaam aish-e-davām se

paidā nahīñ duniyā meñ davā-e-maraz-e-ishq
kyā log na hote the is āzār ke aage

dil ke muāmale meñ natīje kī fikr kyā
aage hai ishq jurm-o-sazā ke maqām se

hamāre ishq ke tohfe ko ehtiyāt se rakh
bahut se lauTne vaale nagar meñ rahte haiñ