Tags-Ishq

is tarah tujhe ishq kiyā hai ki ye duniyā
ham ko hī kahīñ ishq kā hāsil na banā de

aa.ina ho jaa.e merā ishq un ke husn kā
kyā maza ho dard agar ḳhud hī davā dene lage

ulajh kar rañg-o-bū meñ ishq kī ma.asūm sī bachchī
miThā.ī kī dukānoñ meñ jalebī thaam letī hai

merī hayāt-e-ishq ko de kar junūn-e-shauq
mujh ko tamām hosh banā kar chale ga.e

ab kārobār-e-ishq se fursat mujhe kahāñ
kaunain kā vo dard baḌhā kar chale ga.e

pītam ke dekhne ke tamāshā ko jaa.eñ chal
apne piyā ko ishq suuñ apne rijhā.eñ chal

kuchh sambhal kar raho un saada mulāqātoñ meñ
dostī ishq meñ tabdīl bhī ho saktī hai

tā-umr vahī kār-e-ziyāñ ishq rahā yaad
hālāñki ye ma.alūm thā ujrat na milegī

māyūs-e-mohabbat hai to kar aur mohabbat
kahte haiñ jise ishq maraz bhī hai davā bhī

yā mujhe mamlikat-e-ishq kī shāhī se navāz
yā mujhe phir se vahī be-sar-o-sāmānī de

kal guzar jaa.e dil pe kyā ma.alūm
ishq saada sā vāqi.a hai abhī

tire ishq meñ bhī mazā mile tire hijr meñ bhī mazā mile
rahūñ ġham meñ tere jo mubtalā unhīñ chāhatoñ se navāz de

nazmeñ kahāñ haiñ falsafe manzūm haiñ tamām
ġhazleñ kahāñ haiñ ishq ke sab marsiye haiñ yaar

mashrab-e-husn ke unvān badal jaate haiñ
maz.hab-e-ishq meñ īmān badal jaate haiñ

ishq meñ pyaar ke imkān badal jaate haiñ
husn ke faiz se rūmān badal jaate haiñ

kufr-e-ishq aayā badal mujh momin-e-dīñ-dār tak
naubat-e-bā-sandal-o-qashqa hai bal zunnār tak

ġhubār-e-ishq se hastī ko bharne vaalā huuñ maiñ
ye raushnī to sar-e-chāk dharne vaalā huuñ maiñ

lage na kyuuñ aag tere sar se ki ishq meñ maiñ ne paañv rakkhā
bajā hai ai sham.a tujh ko kahnā dimāġh raushan murād hāsil

junūn-e-ishq ke ilzām meñ ai ḳhush-navā qumrī
gale meñ tū ne dekhā tauq ham zanjīr dekheñge

hai ārzū-e-dil-e-sogvār likhtā rahūñ
tamām umr tire ishq ke fasāne ko