Tags-Ishq

ro.ab-e-husn ādāb-e-ishq un kī hayā kā ehtirām
uTh ga.ī chilman to ab pardā hī pardā rah gayā

nahīñ hai ishq pahlā sā na pahlī sī kashish baaqī
magar ab saath jiine kī ka.ī majbūriyāñ aa.iiñ

lā dalīl-e-ishq-o-mastī darmiyāñ
ḳhatm bahs-e-ḳhair-o-shar ho jā.egī

āḳhir āḳhir aisā huā ki terā naam bhī bhuul ga.e
avval avval ishq meñ jānāñ ham kitne joshīle the

mash.hūr rāz-e-ishq hai kis ke bayān se
merī zabān se ki tumhārī zabān se

bāzār-e-ishq meñ haiñ bahut dil jagah jagah
dekheñ vo mol lete haiñ kis kī dukān se

arzāñ kare faroḳht agar mai-farosh-e-ishq
lene lageñ farishte bhī us kī dukān se

bardāsht dard-e-ishq kī dushvār ho ga.ī
ab zindagī bhī jaan kā āzār ho ga.ī

dil chiiz hai kyā jaan bhī duuñ ishq meñ 'sābir'
maiñ naf.a samajhtā huuñ mudām aise zarar ko

ishq se phir silsila jumbānī-e-ġham kījiye
zindagī par maut ko pahle muqaddam kījiye

ab junūñ kī sarhadoñ se aa milā hai josh-e-ishq
kuchh samajh kar ab nigāh-e-husn barham kījiye

lāzima qat-e-marāsim se ye tafrīq huī
varna ye ishq mujhe aap se pyārā to na thā

kabhī ban ke ishq kī rāz-dāñ kabhī ho ke aah kī dāstāñ
ka.ī tarah tere huzūr tak mire hāl-e-dil kī ḳhabar ga.ī

butān-e-shahr ko ye e'tirāf ho ki na ho
zabān-e-ishq kī sab guftugū samajhte haiñ

kahte haiñ rāh-e-ishq meñ baḌhte hue qadam
ab tujh se duur manzil-e-dushvār ham nahīñ

pesh-e-jabīn-e-ishq usī kā hai naqsh-e-pā
us ke sivā kisī ke parastār ham nahīñ

ishq bhī hai kis qadar bar-ḳhud-ġhalat
un kī bazm-e-nāz aur ḳhuddāriyāñ

ishq-bāzī hai zinda-dar-gorī
maut se pahle mar chukā huuñ maiñ

ishq ne kar diyā nikammā sā
ab tire kaam kā banā huuñ maiñ

sāñsoñ kī jal-tarañg par naġhma-e-ishq gaa.e jā
ai mirī jān-e-ārzū tū yūñhī muskurā.e jā