Tags-Ishq

sun sakūñgā na dāstān-e-ishq
ab kahāñ mujh meñ taab hai yaaro

jazb kar lenā tajallī ruuh kī aadat meñ hai
husn ko mahfūz rakhnā ishq kī fitrat meñ hai

merā hī ḳhānumāñ nahīñ vīrāñ huā koī
bahutoñ kī kī haiñ ishq ne ḳhāna ḳharābiyāñ

hargiz ḳhum-e-falak meñ nahīñ hai sharāb-e-ishq
ġhunchoñ kī ḳhūn-e-dil se bharī haiñ gulābiyāñ

aap samjhāne bhī aa.e qibla-o-ka.aba to kab
ishq ne jab be-niyāz-e-dīn-o-duniyā kar diyā

koī majnūñ koī farhād banā phirtā hai
ishq meñ har koī ustād banā phirtā hai

thī nazar us pe dushmanoñ jaisī
ishq jis se thā vālihāna sā

ishq kā zikr sher meñ kyuuñ hai
ye to 'ālī' ġham-e-darūñ na huā

ḳhayāl-o-tasavvur meñ hargiz na laanā hañsī dil-lagī meñ hamesha uḌānā
mire da.av-e-ishq kī qadr kyā ho vo is ko samajhte haiñ majzūb kī baḌ

kulfat-e-ranj-e-ishq kam na huī
maiñ davā kī bahut shifā.ī kī

kohkan kyā pahāḌ toḌegā
ishq ne zor-āzmā.ī kī

tujhe naaz husn par hai mujhe naaz ishq par hai
tirā husn chand-roza mirā ishq jāvedānī

jitnī ruḳhsār kī laalī meñ hai baaqī mere
ishq meñ mere abhī itnī dahak baaqī hai

nākām-e-ishq huuñ so mirā dekhnā bhī dekh
kam dekhtā huuñ aur ġhazab dekhtā huuñ maiñ

ātish-e-ishq zulf-e-pechāñ hai
haDDiyoñ se dhuāñ nikaltā hai

laakh tākīd husn kartā rahā
ishq se ḳhaak ehtiyāt huī

chāqū se mohabbat kī rageñ kaaT rahā hai
sunte haiñ ki vo ishq meñ nākām huā hai

vo haal jo añgrezoñ ne bhārat kā kiyā thā
kuchh haal vahī ishq ne ab merā kiyā hai

ohda-e-ishq se barḳhāst ham is duniyā meñ
ḳhaak kī ḳhuld-makānī ke liye aa.e haiñ

yuuñ gumrahān-e-ishq haiñ rahzan ke saath ḳhush
goyā ki ho liye haiñ kisī rahnumā ke saath