Tags-Izhar

ḳhvāhish-e-dīd ke iz.hār meñ bhī der lagī
un ko bhī parda uThāne meñ baḌā vaqt lagā

ham ahl-e-dil bhī agar fikr-e-jān-o-tan karte
to log husn pe iz.hār-e-husn-e-zan karte

mohazzab dost āḳhir ham se barham kyuuñ nahīñ hoñge
sag-e-iz.hār ko ham bhī to khullā chhoḌ dete haiñ

kyā log haiñ ye soch ke baiThe huuñ gharoñ meñ
bas zulm se be-zārī kā iz.hār bahut hai

merī vus.at mire iz.hār ke aaḌe aa.ī
mujh samundar se ziyāda to nadī boltī hai

ai falak aur nahīñ kuchh havas-e-dil un se
hāl-e-dil apnā kiyā chāhūñ huuñ iz.hār faqat

yaar kī mehr-o-muravvat pe na rakh dil 'hasrat'
ye tirā ishq kā iz.hār salāmat bāshad

yaad hai ab tak hameñ sahmā sā vo iz.hār-e-ishq
band āñkheñ kāñptī āvāz kī bāteñ kareñ

ḳhāmosh hī rahnā hai mire vāste behtar
maiñ aap kā pairāya-e-iz.hār nahīñ huuñ

aap ko chehre se bhī bīmār honā chāhiye
ishq hai to ishq kā iz.hār honā chāhiye

ḳhuub bādal kā barasnā pyaar hai barsāt meñ
rahmatoñ kā is tarah iz.hār hai barsāt meñ

haa.e vo pahle chaah kā aalam kis se maiñ iz.hār karūñ
maiñ to hijāb se aap ḳhajil thā vo mujh se sharmāte the

jo mire jazbāt kā iz.hār tak hone na de
husn ko itnā zamāna-sāz honā chāhiye

us se ziyāda kyā hogā arbāb-e-mohabbat kā iz.hār
vo bekal ho jaate haiñ to sab bekal ban jaate haiñ

hañgāma-e-ġham se tañg aa kar iz.hār-e-masarrat kar baiThe
mash.hūr thī apnī zinda-dilī dānista sharārat kar baiThe

kis tarah chubhte hue ḳhaar se ḳhushbū aa.e
phuul hoñ lafz to iz.hār se ḳhushbū aa.e

fuqdān-e-urūj-e-rasan-o-dār nahīñ hai
mansūr bahut haiñ lab-e-iz.hār nahīñ hai

pinhāñ rakhā huuñ dard kuuñ lohū kī ghūñT pī
kahtā nahīñ kisī señ ki iz.hār hovegā