Tags-Jafa

ab zulm meñ izāfa na kar bāni-e-jafā
qasr-e-sitam ke aage koī sā.ebāñ na chhoḌ

sitam-shi.ār to thā ġhair bhī magar us ko
jafā-tarāzī-e-ahl-e-vatan nahīñ aa.ī

aap ko ab huī hai qadr-e-vafā
jab ki maiñ lā.iq-e-jafā na rahā

is darja pā.emāl na hote jafā se ham
luuTe ga.e siyāsat-e-mehr-o-vafā se ham

haañ yahī merī vafā-e-be-asar kī hai sazā
aap kuchh is se bhī baḌh kar pur-jafā ho jā.iye

dushmanoñ kī jafā kā ḳhauf nahīñ
dostoñ kī vafā se Darte haiñ

jañgal ke biich vahshat ghar meñ jafā o kulfat
ai dil batā ki tere maare ham ab kidhar jaañ

ishva-e-nāz-o-adā jaur o jafā makr o daġhā
kaise jī leñ jo har ik baat bhulā dī jaa.e

kuchh is andāz se hai husn pashīmān-e-jafā
koī māyūs-e-vafā dekhe to pyaar aa jaa.e

mat jāniye paikār meñ bas nāz-o-adā kā
aurat meñ hai dam ma.arka-e-jaur-o-jafā kā

vo kareñ yā na kareñ apnī jafā se tauba
mere dil ko magar ehsās-e-peshemānī hai

pāband har jafā pe tumhārī vafā ke haiñ
rahm ai buto ki ham bhī to bande ḳhudā ke haiñ

jafā par vafā to karūñ soch lo
tumheñ mujh se ulfat agar ho ga.ī

vo mard hai jo kabhī shikva-e-jafā na kare
laboñ pe dam ho magar nāla-o-bukā na kare

hamārī rūdād muḳhtasar hai vafā kahāñ kī jafā kahāñ kī
ba-rañg-e-gul muskurā diye vo ba-tarz-e-shabnam bikhar ga.e ham

vo hazār ham pe jafā sahī koī shikva phir bhī ravā nahīñ
ki jafā to un kī ḳhatā nahīñ jinheñ koī qadr-e-vafā nahīñ

apne apne dil ke hāthoñ donoñ hī barbād hue haiñ
maiñ huuñ aur vafā kā ronā vo haiñ aur jafā kā mātam

dil meñ liye shikāyat-e-be-mehrī-e-jahāñ
jaur-o-jafā ke dard ke maare chale ga.e

sahl hai nāvak-e-mizhgāñ kā qazā ho jaanā
ġhamza-e-chashm kā āsāñ hai jafā ho jaanā