Tags-Jafa

kuchh to vo husn pashemāñ hai jafā par apnī
aur kuchh us ke liye dil thā kushāda yuuñ bhī

'asad' farefta-e-intiḳhāb-e-tarz-e-jafā
vagarna dilbarī-e-vāda-e-vafā ma.alūm

kuchh rahm bhī hai tirī jafā se
ik ḳhalq hai dād-ḳhvāh zālim

kis se mansūb hai har jafā har vafā
ye sitam ye karam kis ke hone se hai

ahl-e-vafā milegā na mujh sā jahān meñ
pachhtā.eñge vo 'auj' ḳhud āḳhir jafā ke ba.ad

laa.e haiñ phuul ahl-e-mohabbat kī qabr par
kyā yaad aa gayā unheñ tark-e-jafā ke ba.ad

qadr-e-vafā bhī hogī kisī din jafā ke ba.ad
lā.egā rañg-e-ḳhūn-e-shahīdāñ hinā ke ba.ad

zamāna husn nazākat balā jafā shoḳhī
simaT ke aa ga.e sab aap kī adāoñ meñ

vo but mubtalā-talab mehr-talab vafā-talab
ye dil āshnā-talab jaur-talab jafā-talab

rahā dil ko na ab zauq-e-sitam kyuuñ
vo haiñ āmāda-e-tark-e-jafā kyā

aaj 'anjum' muskurā kar us ne phir dekhā mujhe
shikva-e-jaur-o-jafā phir bhuul jaanā hī paḌā

is ko lutf-e-dard us ko lazzat-e-mashq-e-jafā
dil kī aadat bigḌī hai ḳhū-e-sitamgar kī tarah

vafā jab zinda hotī hai jafā dam toḌ detī hai
sitamgar kī har ik zālim adā dam toḌ detī hai

ab hai tanhā.ī-e-dasht-e-furqat
raunaq-e-kū-e-jafā se guzre

talḳh yādoñ meñ thī ḳhushbu-e-vafā
ab ke jab kū-e-jafā se guzre

maiñ, chūñki maslahat ke taqāze ajiib haiñ
us kī jafā ko gardish-e-āfāt kah gayā

hameñ milā bhī to ma.ashūq kis tarah kā milā
jafā pasand bad-aḳhlāq fitna-gar gustāḳh

ye adā huī ki jafā huī ye karam huā ki sazā huī
use shauq-e-dīd atā kiyā jo nigah kī taab na lā sake

kare rabt koī kisī se kyā ki uThā tarīq nibāh kā
na karegī tujh se vafā jafā na karegā mujh se vafā qalaq

na to ro.e ġhair na ghar rahe na shab-e-firāq meñ mar rahe
na vafā kare na sitam sahe na jafā huī na huā qalaq