Tags-Jafa

pher kar teġh-e-nazar teġh-e-jafā se pahle
maar Daalā mujhe zālim ne qazā se pahle

lutf aane kā hai kyā bas nahīñ ab tāb-e-jafā
itnā aalam hai bharā jaao na kyā maiñ hī huuñ

jis pe karte ho sadā jaur-o-jafā maiñ hī huuñ
phir bhī jis ko hai gumāñ tum se vafā meñ hī huuñ

hai ye dil nāseh butāñ kā jalva-gāh is se na bol
toḌ mat sañg-e-jafā se is parī-ḳhāne ke ta.iiñ

jahān-e-zulm-o-jafā ke mālik koī na ho ashk-bār kab tak
jo dil hī majbūr ho chukā ho to aañkh par iḳhtiyār kab tak

mumkin hai naala jabr se ruk bhī sake agar
ham par to hai vafā kā taqāzā jafā ke ba.ad

ek maqtūl-e-jafā do zulm ke qābil na thā
varna dil kā mārnā āsān thā mushkil na thā

lamhoñ ke ishāre meñ jafā dekh ke chup hai
kis vāste har ġham ko ḳhudā dekh ke chup hai

jafā-pesha hasīnoñ se vafā kī kyā tavaqqo hai
magar dil ko kisī unvān samjhāyā nahīñ jaatā

tumheñ bhī zid hai ki mashq-e-sitam rahe jaarī
hameñ bhī naaz ki jaur-o-jafā ke aadī haiñ

sitam-o-jaur-o-jafā kā sheva
chhoḌ dījegā na bal khā.iyegā

tumheñ husn ne pur-jafā kar diyā
hameñ ishq ne bā-vafā kar diyā

malāmatoñ meñ kahāñ saañs le sakeñge vo log
ki jin se kū-e-jafā kā tavāf bhī na huā

iimā kā hai faizān ki ehsās kā ehsān
ek ek jafā meñ hai mudārāt kā aalam

mujhe jo bhī dushman-e-jāñ milā vahī puḳhta-kār-e-jafā milā
na kisī kī zarb ġhalat paḌī na kisī kā tiir ḳhatā huā

mirī jafā-talabī ko duā.eñ detā hai
vo dasht-e-sāda vo terā jahān-e-be-buniyād

har haal meñ jiine kī qasam khaa.ī hai ham ne
ham ahl-e-mohabbat haiñ jafā se nahīñ Darte

is qadar ḳhud pe ham jafā na kareñ
jism ko jaan se judā na kareñ

taḌap rahā hai dil ik nāvak-e-jafā ke liye
usī nigāh se phir dekhiye ḳhudā ke liye

ahl-e-vafā ne mujh ko jaanā ahl-e-jafā ne bhī pahchānā
ye hai izzat ye hai shohrat kis kī badaulat dil kī badaulat