Tags-Jafa

ab jafā se bhī haiñ mahrūm ham allāh allāh
is qadar dushman-e-arbāb-e-vafā ho jaanā

ishq mānūs-e-iltijā na huā
husn āzurda-e-jafā na huā

ik roz to milnā thā jafā-kash ko sila bhī
paiġhām-e-vafā ham ne sunāyā hī bahut thā

vo us kī sahmī sī chāhat jafā kī chilman meñ
vo bevafā bhī hameñ bā-vafā sā lagtā hai

ye tavaqqo.a na thī hameñ hargiz
ki dikhāoge ye jafā dil ko

muñh na pherā kabhī jafā se tirī
āfrīñ dil ko marhabā dil ko

hai gar apnā muqaddar kushta-e-teġh-e-jafā honā
to phir ek nā-gahānī pañja-e-qātil kā kyā kahnā

tire jaur-o-jafā kā ham kabhī shikva nahīñ karte
mohabbat jis se karte haiñ use rusvā nahīñ karte

tū jafā meñ mast hai roz-o-shab maiñ kafan-ba-dosh o ġhazal-ba-lab
tire ro.ab-e-husn se chup haiñ sab maiñ bhī chup rahūñ to mazā hai kyaa?

hai to masīhā to kar mudāvā
hai soch zaḳhmī tirī jafā se

tīr-e-nigāh lutf-o-karam se na bach sakā
jo mar sakā na ḳhanjar-e-jaur-o-jafā ke saath

jafā pe shukr kā ummīd-vār kyuuñ aayā
mirī vafā kā use e'tibār kyuuñ aayā

dil lagāyā jahāñ jafā dekhī
kyā balā ishq mujh ko raas nahīñ

us jafā-kār ko ma.alūm nahīñ vo kyā hai
be-muravvat ko hai tasvīr dikhānī us kī

aane do iltifāt meñ kuchh aur bhī kamī
mānūs ho rahe haiñ tumhārī jafā se ham

aadat sī ho ga.ī hai shikāyāt kī hameñ
bezār to nahīñ haiñ tumhārī jafā se ham

ye vafā bhī jafā ke baab meñ hai
jaan merī bhī ik azaab meñ hai

ik vo zālim hī nahīñ mujh pe jafā kartā hai
āsmāñ bhī isī chakkar meñ rahā kartā hai

do chaar ḳharāshoñ se ho taskīn-e-jafā kyā
shīsha huuñ to patthar pe uchhāle koī aa kar

bas ik nigāh-e-karam kā umīd-vār huuñ maiñ
jafā-shi.ār tujhe merī iltijā kī qasam