Tags-Jafa

ham ko mahrūm-e-karam us kī jafā ne rakkhā
ziist se tañg kisī tañg qabā ne rakkhā

bas hamīñ tak raheñ mahdūd jafā.eñ un kī
lutf itnā to ravā ahl-e-jafā ne rakkhā

kabhū ham se bhī vafā kījiyegā
yā yahī jaur-o-jafā kījiyegā

hausla rah gayā vafā kā mujhe
vo kabhī mā.il-e-jafā na huā

har ik dil ke ta.iiñ le kar vo chanchal bhaag jaatā hai
sitamgar hai jafā-jū hai sharābī hai uchakkā hai

kuchh un kī jafā un kā sitam yaad nahīñ hai
ġhamgīn huuñ lekin koī ġham yaad nahīñ hai

vo rañj āḳhir ko hogā rāhat vo marg-e-umr-e-davām hogī
jo ishq-e-sādiq meñ mar miTā tū to phir abas shākī-e-jafā hai

vo kahāñ mujh pe jafā kartā thā
jo muqaddar thā milā kartā thā

dukhā kar dil mirā phir aap hī uzr-e-jafā karnā
are kāfir tirī ik chaal hai ye laakh chāloñ kī

tujh se ho tark-e-jafā mujh se vafā.eñ chhūTeñ
vo tire bas meñ nahīñ ye mire imkāñ meñ nahīñ

kyā tujh ko vafāoñ kī adā yaad rahegī
mujh ko to tirā tarz-e-jafā yaad hai ab tak

dast-e-jafā uThā.eñge kyā jism-e-zār par
kāñTā hoñ teġh-e-nāz ke chhāloñ ke sāmne

maiñ apne siine se sharminda hone vaalā thā
ki aa lagā koī tīr-e-jafā nishāne par

ba.ad bhī zikr kiyā ho jo vafādārī kā
sar qalam kījiye shamshīr-e-jafā se pahle

vahī parkār-e-jafā aur vahī qirtās-e-vatan
dā.era jabr kā har samt khiñchā hotā hai

na hoñ ḳhvāhisheñ na gilā koī na jafā koī
na savāl ahd-e-vafā kā ho vahī ishq hai

ye to sach hai ki tujhe tark-e-jafā kā haq hai
haañ magar pūñchh to le ahl-e-vafā se pahle

itnā huuñ jā-e-rahm jo kartā hai vo jafā
to us se ro ke kahte haiñ aġhyār bas jī bas

ai vafā tū kidhar hai ho dam-sāz
kushta-e-ḳhanjar-e-jafā haiñ ham

'joshish' vo kaun sā hai jafā-kār jis par aaj
muñh par lahū male hue hai dād-ḳhvāh chashm