Tags-Jafa

is qadar thā mujhe ulfat meñ bharosā un par
kī jafā bhī to ye samjhā ki vafā karte haiñ

huā bhole-pan pe jo bismil vo to apnā aap hai qātil
ye samajh kā pher hai ai dil sitam-o-jafā vo kyā jaane

maiñ falak se aa.ī ḳhatā mirī use DhūñDnā hai vafā mirī
ye jafā kī jo haiñ haqīqateñ mirī aañkh ko vo dikhā piyā

garmī-e-koshish-e-jafā kab tak
dāvā-e-shohrat-e-vafā kab tak

ai sitam-āzmā jafā kab tak
kushta-e-zindagī vafā kab tak

baat ye tere sivā aur bhalā kis se kareñ
tū jafā-kār huā hai to vafā kis se kareñ

lutf-e-jafā isī meñ hai yād-e-jafā na aa.e phir
tujh ko sitam kā vāsta mujh ko miTā ke bhuul jā

tumhāre rañg-e-jafā ko bhī hai qayām kahīñ
hamāre ishq kī manzil to kāmrānī hai

terī jafā vafā sahī merī vafā jafā sahī
ḳhuun kisī kā bhī nahīñ to ye batā hai kyā shafaq

haq huā kis se adā us kī vafādārī kā
jis ke nazdīk jafā bā.is-e-āzār nahīñ

tirī jafā ko jafā maiñ to kah nahīñ saktā
sitam sitam hī nahīñ hai jo dil ko raas aa.e

shāyad yahī kitāb-e-mohabbat ho lā-javāb
merī vafā ke saath hai terī jafā bahut

jafā vaale hisāb is kā lagā leñ
vafā kartā huuñ maiñ din raat kitnī

jafā-o-qahr se vāqif na thā maiñ
baḌhī ulfat meñ mālūmāt kitnī

kam jo Thahre jafā se merī vafā
to ye pasañg hai tarāzū kā

har chand ho gayā hai surayyā se bhī buland
lekin shajar jafā kā sadā be samar rahā

jafā kī jaan ko sab ro rahe haiñ
mujhe un kī vafā ne maar Daalā

tire daur-daura-e-ishq meñ mirī ek rañg se kaT ga.ī
na sitam huā na karam huā na jafā huī na vafā huī

jañgal ke biich vahshat ghar meñ jafā o kulfat
ai dil batā ki tere maare ham ab kidhar jaañ