Tags-Jafa

sitam hai ab bhī umīd-e-vafā pe jiitā hai
vo kam-nasīb ki shā.ista-e-jafā bhī nahīñ

pareshāñ maiñ nahīñ lekin jafā par tum pashemāñ ho
vafā par merī is se baḌh ke aur ilzām kyā hogā

butoñ ke jaur-o-jafā par maiñ sabr kartā huuñ
yahāñ ke vāste kuchh hai to kuchh vahāñ ke liye

hujūm-e-rañj-o-alam hai ye nīm-jāñ ke liye
jafā vo karte haiñ āshiq pe imtihāñ ke liye

jigar ushshāq kā dāġh-e-jafā suuñ
huā sehn-e-gulistāñ rafta rafta

terī jafā to morid-e-ilzām thī na hai
merī vafā bhī koshish-e-takmīl-e-zāt thī

ek aisī jagah jis meñ insān na baste hoñ
ye makr o jafā-pesha haivān na baste hoñ

qāsid tire sukūt se dil be-qarār hai
kyā us jafā-shi.ār ne tujh se kahā sunā

aise bigḌe ki phir jafā bhī na kī
dushmanī kā bhī haq adā na huā

shahr meñ ahl-e-jafā ahl-e-riyā rahte haiñ
ye havā kaash na pahuñche tire saudā.ī tak

hue sañg-e-jafā se shīsha-e-dil ke ka.ī TukḌe
bas ab is se ziyāda aur chaknāchūr mat kiijo

husn majbūr-e-jafā hai shāyad
ye bhī ik tarz-e-adā hai shāyad

na ārzu-e-jafā ba-qadam nikāl ke chal
paḌe haiñ raah meñ kuchh dil bhī dekh bhaal ke chal

tum ko aate haiñ sab jafā-o-jaur
ik vafā hī magar nahīñ aatī

maiñ ne yuuñ shikva-e-jafā na kiyā
vo agar sharmsār ho jaatā

kyuuñ na palkeñ hoñ jafā-kār jo aafat hoñ bhaveñ
bal hai tīroñ ko kamānoñ kī tavānā.ī kā

ḳhatā-e-fāsh hai ham ne jafā ko kyuuñ jafā samjhā
qayāmat tak na jā.egī hamārī ye pashemānī

fitrat-e-husn ko kaun samjhe bhalā gah atā hī atā gah jafā hī jafā
gaah taqsīr kī aur hañsī aa ga.ī gaah sajde kiye aur itaab aa gayā

ulfat meñ barābar hai vafā ho ki jafā ho
har baat meñ lazzat hai agar dil meñ mazā ho

lutf-e-jafā isī meñ hai yād-e-jafā na aa.e phir
tujh ko sitam kā vāsta mujh ko miTā ke bhuul jā