Tags-Jafa

na navāzishoñ kī hai aarzū na tirī jafā kā malāl hai
tū nazar se apnī girā na de yahī ek dil meñ ḳhayāl hai

ham ġharīboñ par jafā achchhī nahīñ
bekasoñ kī bad-duā achchhī nahīñ

ik ḳhanjar-e-qazā hai ik nashtar-e-jafā hai
vo chashm-e-shoḳh jo hai mahv-e-hayā-parastī

maiñ moḌūñ na muñh us kī jafā se pa karūñ kyā
is vaqt vafā phir jo kifāyat na kare tū

dekheñ vo sub.h-e-amn kab aa.e 'safī'-hasan
ab tak sivā-e-jaur-o-jafā kuchh nahīñ huā

is daur meñ ye tarz-e-jafā aazmā ke dekh
dil ke bajā.e dil ke sukūñ ko miTā ke dekh

vaqt ke saath badal jaatī hai har shai 'ājiz'
aap to badle magar ḳhū-e-jafā bhī badlī

ḳhūn-e-dil piitī haiñ vaañ aur khātī haiñ laḳht-e-jigar
lutf ke badle uThāne ko jafā-o-jaur hai

duniyā ne ham ko jaur-o-jafā de diye 'ayāz'
is daad ke evaz meñ ye fan māñgtī rahī

ahl-e-dil terī vafāoñ kī qasam khāte haiñ
bar-sar-e-kū-e-jafā bhī tirī shohrat hai baḌī

jo terī tarz-e-jafā se hamārā haal huā
zabāñ pe laa.eñ ye us meñ qabāhateñ haiñ bahut

ab talak khīñch khīñch jaur-o-jafā
har tarah dostī nibāhī hai

bāni-e-jaur-o-jafā haiñ sitam-ījād haiñ sab
rāhat-e-jāñ koī dilbar nahīñ jallād haiñ sab

pur-ġhurūr o pur-takabbur pur-jafā o pur-sitam
pur-fareb o pur-daġhā pur-makr o pur-fan aap haiñ

ab jafā se bhī gurezāñ haiñ vo allāh allāh
dekhiye kyā mirā anjām-e-shakebā.ī hai

lazzat vafā meñ hai na kisī kī jafā meñ hai
dildār hī rahā na dil-āzār hī rahā

zamāne kī be-rahmiyoñ ke tasadduq dimāġh-e-nashāt-o-alam hī nahīñ
dil apnā kare ārzu-e-jafā yā umīd-e-karam itnī fursat kahāñ

kyuuñ ho kisī ko kūcha-e-qātil kī justujū
kyuuñ imtihāñ ke vāste teġh-e-jafā kī shart

chashm-e-sāqī kā na mai-ḳhvār sahārā DhūñDeñ
vo suḳhan-sāz bhī hai aur jafā-kār bhī hai

be-ḳhatā thā husn har jaur-o-jafā ke ba.ad bhī
ishq ke sar tā-abad ilzām hī ilzām thā