Tags-Jafa

aaj ye soch ke larzāñ hai jafā-jū kā ġhurūr
qumqume kis liye dhartī pe utar aa.e haiñ

intihā-e-ishq hai kaisī jafā kaisā gila
ab to un kī har ḳhushī apnī ḳhushī hone lagī

zabāñ-bandī se pahle kuchh anokhe hādse bhī haiñ
vafā.eñ sar-nigūñ Thahrīñ jafā meñ valvale bhī haiñ

agar ġhaflat se baaz aayā jafā kī
talāfī kī bhī zālim ne to kyā kī

jafā hī jab tirī pahchān Thahrī
vafā meñ mujh ko lazzat kis liye hai

kī vafā ham se to ġhair is ko jafā kahte haiñ
hotī aa.ī hai ki achchhoñ ko burā kahte haiñ

jafā-o-jaur se un ke to ho gayā aajiz
butoñ ke ishq kā is dil meñ hauslā bhī hai

samajh ke zulm karo ai buto ḳhudā bhī hai
tumhāre jaur-o-jafā kī kuchh intihā bhī hai

mujh par aisī jafā kī kasrat kī
ki use ġhair ne malāmat kī

us jafā-jū se bā-īmā-e-tamannā ab tak
havas-e-lutf-o-ināyāt chalī jaatī hai

sharm ai husn-e-jafā-pesha ki kūche meñ tire
aaj tak ham dil-e-nākām liye phirte haiñ

ham ko to 'nazīr' un se shikāyat hai jafā kī
aur un kā jo suniye to gila aur hī kuchh hai

ai but jafā se apnī liyā kar vafā kā kaam
bandoñ ke kaam aa ki yahī hai ḳhudā kā kaam

na itnā burrish-e-teġh-e-jafā par naaz farmāo
mire dariyā-e-be-tābī meñ hai ik mauj-e-ḳhūñ vo bhī

jab jafā-jū ne taġhāful se bhī kī qat-e-nazar
ho razā-e-yār par shākir ye hai dil kī salāh

munsif-e-shahr kī vahdat pe na harf aa jaa.e
log kahte haiñ ki arbab-e-jafā aur bhī haiñ

vo jafā kareñ to jafā kareñ maiñ vafā se baaz na ā.ūñgā
unheñ apne kaam se kaam hai mujhe apne kaam se kaam hai

sitam ke baad karam hai jafā ke baad atā
hameñ hai bas jo yahī iltizām ho jaa.e

jab vafā karte haiñ ham sirf vafā karte haiñ
aur jafā karte haiñ jab sirf jafā karte haiñ

jafā ye silsila-e-sad-hazār-unvāñ hai
qamīs-e-yūsuf-e-kan.āñ khule to baat chale