Tags-Jafa

aap aa.e the yaañ jafā ke liye
jā.iye bhī kahīñ ḳhudā ke liye

ab to sar hote haiñ das biis ke har roz qalam
ḳhuub ye tū ne nikālī hai jafā-kār tarāsh

jafā huī na vafā ab vo sīkhte haiñ hayā
ḳhudā kare ye irāda bhī ustuvār na ho

shikvoñ pe sitam aahoñ pe jafā sau baar huī sau baar huā
har baat mujhe har kaam mujhe dushvār huī dushvār huā

us sitam-pesha mehr dushman kī
mere uupar agar jafā hai ye

qadam qadam kā ilāqa hai nā-ravā tak hai
fusūn-e-jaur-o-jafā pesha jā-ba-jā tak hai

kī mire qatl ke ba.ad us ne jafā se tauba
haa.e us zūd-pashīmāñ kā pashīmāñ honā

hiddat-e-shauq salāmat hai to zanjīr-e-jafā
sūrat-e-sham.a kisī roz pighal jā.egī

imtihāñ ke liye jafā kab tak
iltifāt-e-sitam-numā kab tak

tum ne rasm-e-jafā uThā dī hai
hameñ kis jurm kī sazā dī hai

tum vafā karte raho shahr-e-talab meñ 'maz.har'
karne do us ko ye duniyā jo jafā kartī hai

kyuuñ tirā pyārā 'tabassum' aaj phīkā paḌ gayā
haar kyuuñ maanī hai tū ne phir jafā ke sāmne

hamārā kaam hai ghuT ghuT ke marnā
vahī jaane jafā kyā hai vafā kyā

kī kisī par na jafā mere ba.ad
ḳhuub ro.e vo sunā mere ba.ad

haiñ yādgār-e-ālam-e-fānī ye donoñ chiiz
us kī jafā aur apnī vafā likh rakheñge ham

tū jafā-pesha hai kis muñh se kahūñ duniyā se
apnī chāhat ke bharam ne mujhe jiine na diyā

dekhoge to aa.egī tumheñ apnī jafā yaad
ḳhāmosh jise pāoge ḳhāmosh na hogā

jhelī huī hai jafā tabī.at
barsoñ hī mubtalā rahī hai

mushtāq haiñ ushshāq tirī bāñkī adā ke
zaḳhmī haiñ mohibbāñ tirī shamshīr-e-jafā ke

ye tarz-e-jafā kis sikhā.ī thī sitam-gar
sau zulm hue ek bhī ilzām na aayā