Tags-Jafa

bejā hai tirī jafā kā shikva
maarā mujh ko mirī vafā ne

ishq hai be-gudāz kyuuñ husn hai be-niyāz kyuuñ
merī vafā kahāñ ga.ī un kī jafā ko kyā huā

phir josh meñ haiñ aaj mire madd-e-muqābil
hai merī vafā un kī jafā dekhiye kyā ho

kyā ḳhush ho dil ki hai vo jafā-jū zamīñ se duur
tum kaise āsmān ke qā.em-maqām ho

jitne the zulm sab vo jafā-kār kar chukā
baaqī rahe na charḳh-e-sitamgar ke vāste

jahāñ meñ ho ga.ī nā-haq tirī jafā badnām
kuchh ahl-e-shauq ko dār-o-rasan se pyaar bhī hai

ye dekhnā hai ki ba.ad tark-e-ta.alluqāt ai 'shakīl' kab tak
na koī ham par jafā karegā na ham kisī se vafā kareñge

mire purze agarche uḌā.iyegā to gul-e-zaḳhm se mahkegī ishq kī bū
khiñche teġh tirī to ragaḌ duuñ gulū mujhe tere hī jaur-o-jafā kī qasam

ne 'asad' jafā-sā.il ne sitam junūñ-mā.il
tujh ko jis qadar DhūñDā ulfat-āzmā paayā

yaad ā.ūñgā jafā-kāroñ ko
be-nishānī hai nishānī merī

dekhnā is ishq kī ye turfa-kārī dekhnā
vo jafā karte haiñ mujh par aur sharmātā huuñ maiñ

vafā kī aaḌ meñ kyā kyā huī jafā ham par
jo dostī yahī Thahrī to dushmanī kyā hai

tamhīd-e-sitam aur hai takmīl-e-jafā aur
chakhne kā mazā aur hai piine kā mazā aur

jafā jafā hī agar hai to rañj kyā ho 'shāz'
vafā kī pusht-panāhī bhī ho jafā ke liye

mātam-e-rañj-o-alam ġham haiñ baham chāroñ ek
sitam-o-jaur-jafā nāz-o-sanam chāroñ ek

go taab nahīñ aur sitam sahne kī phir bhī
ahbāb kī har tarz-e-jafā mere liye hai

jafā ko bhī terī jo sharminda kar de
vo mazlūm maiñ zindagī chāhtā huuñ

zindābād ai dil mire maiñ bhī huuñ tujh se muttafiq
pyaar sachchā hai to phir kaisī vafā kaisī jafā

sharm kar sharm ki ai jazba-e-tāsīr-e-vafā
tere hāthoñ vo pashīmān-e-jafā hote haiñ

banda huuñ tirā ḳhvāh karam ḳhvāh jafā kar
jis tarz tire shauq meñ hue mujh kuuñ jalā dekh