Tags-Jafa

khajūrī choTī adā meñ moTī jafā meñ lambī vafā meñ chhoTī
hai aisī khoTī ki dil har ik kā har ek laT meñ laTak rahā hai

jafā karne vāloñ ko kyā ho gayā hai
vafā kar ke bhī ham to sharmā rahe haiñ

kuchh dil bhī hai nashāt-e-tamannā se shād-kām
aur kuchh tirī jafā pe karam kā gumāñ bhī hai

ek qatra na kahīñ ḳhuuñ kā bahā mere ba.ad
zañg-ālūd huī teġh-e-jafā mere ba.ad

tum jaur-o-jafā mujh pe na karte to burā thā
hote na agar zulm to kyā lutf-e-vafā thā

kah rahī hai ye kyā sabā kuchh soch
ai hasīñ paikar-e-jafā kuchh soch

kī vafā yaar se ek ek jafā ke badle
ham ne gin gin ke liye ḳhūn-e-vafā ke badle

hamāre sabr kī khāte haiñ ab qasam aġhyār
jafā-kashī kā maza ba.ad-e-imtihāñ niklā

yaad kar ke tujhe mazlūm-e-vatan ro.eñge
banda-e-rasm-e-jafā chain se ab so.eñge

vo terī vafā kī ho ki duniyā kī jafā kī
mat chheḌ koī baat ki talvār lage hai

maiñ huā bhī jo bismil-e-teġh-e-jafā vale baaqī hai dil meñ abhī ye vafā
ki yaqīñ hai lahū mirā jā-e-hinā jo lage to na pā-e-sanam se chhuTe

dard dil ko tirī yak-gūna murā.āt se hai
nukta-chīñ is ko bhī andāz-e-jafā kahte haiñ

quvvat-e-jaur jaa.e chhin tujh se jo tū jafā kare
tū bhī ho be-bas ek din aisā bhī ho ḳhudā kare

maiñ shikāyat jafā kī kartā huuñ
chupke vo sar jhukā.e baiThe haiñ

ab ham iz.hār-e-alam karne lage haiñ sab se
ab uThā.ī nahīñ jaatī hai jafā ham se bahut

vo jafā-pesha jafā-jū hai jafā us kī sarisht
jis ko kahte haiñ vafā vo mere āb-o-gil meñ hai

zālim jafā jo chāhe so kar mujh pe tū vale
pachhtāve phir tū aap hī aisā na kar kahīñ

hameñ to apnī vafāoñ kā mil rahā hai sila
jafā-o-jaur pe vo kyuuñ haiñ sharmsār bahut

do kināre jaise dariyā ke nahīñ milte kabhī
ham se iqdām-e-jafā un se vafā! mumkin nahīñ

tū kab ma.āl-e-jaur-o-jafā ko samajh sakā
terā jamāl tere liye bhī hijāb thā