Tags-Jalwa

shauq ne khīch lī mire yaar kī jab naqāb-e-ruḳh
husn kī raushnī huī jalva-gah-e-majāz meñ

fīrozī tasbīh kā gherā haath meñ jalva-afgan thā
nāranjī sham.oñ se hujra ḳhair kī shab meñ raushan thā

tū huā jalva-gar mubārak ho
rezish-e-sajda-e-jabīn-e-niyāz

ma.āl-e-husn-parastī-e-yār kyā kahiye
nazar nazar hai mirī jalva yaar kyā kahiye

hairat nigāh-e-shauq kī paspā.iyoñ meñ hai
jalva ba-zāt-e-ḳhud hī tamāshā.iyoñ meñ hai

anjām-e-tūr aaj bhī apnī nazar meñ hai
ġhash khā na jaa.eñ aap kī jalvagarī se ham

kyā nahīñ likkhā nigāhoñ ko rahīn-e-jalva
apnī tahrīr se taqdīr sajāne vaale

makāñ bhī hai vo makīñ bhī hai vo vahī milā hai vahī judā hai
usī kā jalva har ek sū hai vahī hai zāhir vahī chhupā hai

jo ā.īne se terī jalva-sāmānī nahīñ jaatī
kisī bhī dekhne vaale kī hairānī nahīñ jaatī

us māh-rū pe aañkh kisī kī na paḌ sakī
jalva thā tuur kā ki sarāsar vo nuur thā

chashm-e-vā hī na huī jalva-numā kyā hotā
aur hotā bhī to dekhe ke sivā kyā hotā

kyuuñ banā Daalā ise merī nigāhoñ kā ġhurūr
terā jalva hai agar husn-e-butāñ se aage

ai sanam allāh re jalva tirā hairat-fazā
but bane haiñ sāhib-e-zunnār qaisar-bāġh meñ

dīvāna jo na ishq se ho aadmī nahīñ
husn-e-parī kā jalva tilism-e-jahāñ meñ hai

jalva dikhlā ke mirā luuT liyā sabr-o-qarār
phir ye kahte haiñ ki tū nāla-o-fariyād na kar

pur-kaif fazā.eñ chaltī haiñ maḳhmūr ghaTā.eñ chhātī haiñ
jab sehn-e-chaman meñ jalva-numā vo jān-e-bahārāñ hote haiñ

hamārī tarah hurūf-e-junūñ ke jaal meñ aa
kabhī to jalva-gah-e-nūn-jīm-dāl meñ aa

ham ahl-e-nazāra shām-o-sahar āñkhoñ ko fidya karte haiñ
ham jalva jalva kahte haiñ vo parda parda karte haiñ

jaatā to hai us jalva-gah-e-nāz meñ ai dil
kyā hogā agar zabt kā yaarā na rahegā

ye bañgālī hasīnāoñ kī jalva-gāh hai hamdam
yahāñ pīr-o-javāñ aa kar matā-e-dil luTāte haiñ