Tags-Jalwa

kaaba o dair meñ jalva nahīñ yaksāñ un kā
jo ye kahte haiñ TaTole koī īmāñ un kā

gul-fishānī-hā-e-nāz-e-jalva ko kyā ho gayā
ḳhaak par hotī hai terī lāla-kārī haa.e haa.e

vo jalva-gāh-e-nāz vo maḳhmūr nigāheñ
ab kyā kahūñ ye lamhe kahāñ maiñ ne guzāre

ufuq ke aks kisī aa.ine meñ kyā simTīñ
ki shauq-e-jalva abhī apne intishār meñ hai

dair o ka.aba hī pe kyā mauqūf hai
dil nahīñ hai jalva-gāh-e-nāz kyā

ye ishq 'jamīla' kā ai ḳhizr-e-rah-e-ulfat
mahbūb ke jalve ko asrār-e-ḳhudā jaanā

is dil kī imārat meñ tum jalva dikhā jaanā
yā nūr-e-mubīñ ban kar āñkhoñ meñ samā jaanā

maiñ tirā jalva tū merā dil hai mere ham-nashīñ
maiñ tirī mahfil meñ huuñ aur tū mirī mahfil meñ hai

ye ik shān-e-ḳhudā hai maiñ nahīñ huuñ
vahī jalva-numā hai maiñ nahīñ huuñ

har ik jalve meñ ik parda har ik parda meñ ik jalva
ba-har-sūrat sahāb-e-darmiyāñ kuchh aur kahtā hai

mauja-e-gul se charāġhāñ hai guzar-gāh-e-ḳhayāl
hai tasavvur meñ zi-bas jalva-numā mauj-e-sharāb

apnī manzil to banā lete haiñ duniyā vaale
maiñ kahāñ jā.ūñ tirī jalva-gah-e-nāz ke ba.ad

jo khul kar vaar muusā par to ham par choT parde meñ
vahī jalva ayaañ ho kar vahī jalva nihāñ ho kar

tarīq-e-ahl-e-nazar meñ hai man.a yaksūī
zi-bas-ki jalva-firozī hai chār-sū terī

āfāq kā har jalva 'nushūr' is meñ ayaañ hai
mil-jul ke vo ā.īna-e-fan ham ne banāyā

kabhī bhī shahr-e-tilismāt-e-dil kī sair na kī
har ek jalva liyā musta.ār bāhar se

husn-e-nazzāra sahī jalva-dar-āġhosh sahī
ishq phir ishq hai be-ḳhud sahī mad.hosh sahī

jis chashm ko vo merā ḳhush-chashm nazar aayā
nargis kā use jalva ik pashm nazar aayā

yahī hai nazārā to kyā hai nazārā na shān-e-jamālī na shān-e-jalālī
ye dhundlā sā partav ye mastūr jalva barābar hai ham ko to dekhā na dekhā