Tags-Jalwa

dil-e-sozāñ dikhānā jalva husn-o-ishq donoñ kā
kahīñ sham-e-shabistāñ aur kahīñ parvāna ban jaanā

huī hai kis qadar arzāni-e-mai-e-jalva
ki mast hai tire kūche meñ har dar-o-dīvār

vo baam pe phir jalva-numā mere liye hai
gul-bār-o-ziyā-bār fazā mere liye hai

na ḳhat aa.e par bhī kamī paḌī tirī shān-e-husn meñ yak zarī
vahī qad kī fitnagarī rahī vahī ruḳh kī jalvagarī rahī

ma.ashūq ko to jalva-numā.ī zarūr hai
dekho aziiz misr ke so maiñ dikhā liyā

māvarā.ī saaya jalva jo gurezāñ hai mirī nazroñ se
merī bāñhoñ kī harārat meñ kabhī sham.a ke mānind pighal jaatā thā

ā.īna-ḳhāne meñ vo jis vaqt aan baiThe
phir jis taraf ko dekho jalva hai vaañ parī kā

muñh par ye goshvāra motī kā jalva-gar hai
jaise qirān-e-bāham ho maah o mushtarī kā

allāh-re shauq-e-qais kī jalva-tarāziyāñ
akasr ġhubār-e-dasht ko mahmil banā diyā

husn se tere huā hai ishq kā bāzār garm
tū agar jalva na kartā ham ko bhī saudā na thā

sabzān in rū kī jahāñ jalva-gāh thī
ab dekhiye to vaañ nahīñ saaya daraḳht kā

mujh ko dikhlāo na apnī ye adā-e-jalva
chalo taslīm ki tum mujh meñ bhī pinhāñ ho zarūr

vo jalva tuur par jo dikhāyā na jā sakā
āḳhir yahī huā ki chhupāyā na jā sakā

jalva-gāh-e-dil meñ marte hī añdherā ho gayā
jis meñ the jalve tire vo aa.ina kyā ho gayā

go ab hazār shakl se jalva kare koī
apnā to dil is ā.īna-ḳhāne se uTh gayā

hairat-e-jalva muqaddar hai to jalva kyā hai
tujh se vābasta hai dil varna tamāshā kyā hai

nikle harne
jalva karne

ye ehtirām thā nigah-e-shauq kā jo tum
be-parda ho sake jalva-numā bhī na ho sake

jalva us kā ai 'sāhir' chashm-e-pāk-bīñ se dekh
husn-e-lā-yāzlī se shash-jahāt haiñ ābād

vo shakleñ jo dil meñ kabhī jalva-gar thiiñ
nazar aa.eñ barq sar-e-tūr ho kar