Tags-Jalwa

kahīñ parda hai tajallī kahīñ jalva hai hijāb
ye tamāshā bhī tirā zauq-e-nazar dekh liyā

ek jalva ba-sad andāz-e-nazar dekh liyā
tujh ko hī dekhā kiye tujh ko agar dekh liyā

dekhiye kasrat se vahdat ko to hai
ek jalva mūjid-o-ījād kā

hamīñ ne ziist ke har ruup ko sañvārā hai
luTā ke raushani-e-tab.a jalva-gāhoñ meñ

har saañs meñ sad.hā naġhme haiñ har zarre meñ lākhoñ jalve haiñ
jaañ mahv-e-rumūz-e-sāz to ho dil jalva-gah-e-anvār to ho

hujūm-e-jalva meñ parvāz-e-shauq kyā kahnā
ki jaise ruuh sitāroñ ke darmiyāñ guzre

aap to har har qadam par ho rahe haiñ jalva-gar
aap ko hadd-e-nazar se māvarā samjhā thā maiñ

har shai meñ jo ki dekhte haiñ jalva dost kā
vo log sajda karte haiñ patthar ke vāste

sunā thā ham ne ki hashr meñ vo dikhāne vaale haiñ apnā jalva
magar jo dekhā to aaj bhī vo jamāl-e-rañgīñ naqāb meñ hai

raushnī ban ke utar shaam ke mehrāboñ par
ab tire log tirī jalvagarī chāhte haiñ

maiñ bhī to rañg-o-bū kā tamāshā karūñ kabhī
qudrat mire chaman ko bhī jalva-numā.ī de

jab mirā mahr jalva-gar hogā
dopahar hogā jo pahar hogā

jism-e-ḳhākī na samajh yaar kā bas jalva hai
yaad aur bhuul se maiñ dil ko ziyā kartā huuñ

sham.a vo laa.e haiñ ham jalva-gāh-e-jānāñ se
ab do-ālam meñ ujāle hī ujāle hoñge

aatī nahīñ balā-e-shab-e-ġham nigāh meñ
kis mehr-vash kā jalva nazar meñ samā gayā

āñkheñ hī nahīñ terī 'fanā' diid ke qābil
tū jalva-gah-e-yār meñ nākām rahegā

har sub.h dikhātā hai hameñ jalva parī kā
bālā-e-havā-dār sulaimān hamārā

ye jalva-zār-e-duniyā bhī ajab ā.īna-ḳhāna hai
ki har tasvīr hairat-āfrīñ ma.alūm hotī hai

duniyā se hue baiThe ho rū-posh ai jaanā
jalva bhī sar-e-ām hai pur-josh ai jaanā

sham.a raushan juuñ ki aatī hai nazar fānūs meñ
burqe meñ thā jalva-gar vo rū-e-ātishnāk raat