Tags-Jalwa

tirā jalva jo pā jaatī chaman meñ jā ke iThlātī
bhikāran ban ke baiThī hai tire dar par bahār ab bhī

ham ne husn-e-hazār-sheva ko
jalva jalva nazar meñ rakkhā hai

jurm thī sair-e-gulistāñ jurm thā jalva-hā-e-gul
jabr ke bāvajūd ham gasht lagā ke aa.e haiñ

vo chāñd sā muñh surḳh dupaTTa meñ hai raḳhshāñ
yā mahr kahūñ jalva-numā zer-e-shafaq hai

kaisī ajiib shart hai dīdār ke liye
āñkheñ jo band hoñ to vo jalva dikhā.ī de

shauq ho jis kā be-karāñ dil se bhī ho jo bad-gumāñ
apnī nigāh ko bhī vo jalva tirā dikhā.e kyuuñ

shauq-e-dīdār-e-talab hadd-e-adab se jo baḌhā
husn ne tāb-e-nazar chhīn lī jalva ho kar

jo hasrat-e-jalva thī kisī kī to ḳhaak uḌaa.ī na kyuuñ galī kī
hameñ lagānā thā roz chakkar idhar se jaate udhar se aate

kis kis adā se aaj koī jalva-gar huā
aayā nazar ko hosh to dil be-ḳhabar huā

tirā jalva to aise aam hai saare zamāne meñ
vahīñ tak dekh saktā hai nazar jis kī jahāñ tak hai

jalva pāband-e-nazar bhī hai nazar-sāz bhī hai
parda-e-rāz bhī hai parda-dar-e-rāz bhī hai

jab kahā hai to jalva dikhā.eñge vo
saañs jab tak chale rāsta dekhiye

kam nahīñ jalvagarī meñ, tire kūche se bahisht
yahī naqsha hai vale is qadar ābād nahīñ

ba-chashm-e-haqīqat jahāñ dekhtā huuñ
maiñ jānāñ kā jalva ayaañ dekhtā huuñ

jahāñ dekhtā huuñ maiñ jalva hai terā
tire ġhair ko maiñ ziyāñ dekhtā huuñ

bahar-rañg o har shai o har jā o har sū
tujhī ko maiñ jalva-kunāñ dekhtā huuñ

thiiñ jo kal tak jalva-afrozī se sham-e-anjuman
aaj vo shakleñ charāġh-e-zer-e-dāmāñ ho ga.iiñ

dekhā hai kis ne muñh sahar-e-jalva-sāz kā
sab valvale haiñ ek shab-e-intizār tak

kyā dil hai agar jalva-gah-e-yār na hove
hai tuur se kyā kaam jo dīdār na hove

ahl-e-nazar vasī.a gar apnī nazar kareñ
zarre naqāb ulaT ke tujhe jalva-gar kareñ