Tags-Jannat

jannat kā sabz-bāġh na zāhid dikhā mujhe
mere bhī ghar meñ peḌ lagā hai anaar kā

go haiñ jannat meñ maze lek nahīñ bhūlne kā
hoñT kā chāTnā tujh lab ke namak-ḳhvāroñ ko

garche az-had huuñ gunahgār musalmān to huuñ
pīchhe pīchhe mire dozaḳh meñ bhī jannat aa.ī

gulzār-e-jahāñ se bāġh-e-jannat meñ ga.e
marhūm hue javār-e-rahmat meñ ga.e

dil kī jannat ko sukūñ kuchh to mile
dasht-o-sahrā hī basā kar dekho

ye mustatīl sā ḳhāka ki jis ko ghar kahiye
usī ke dā.era o dar meñ merī jannat hai

jaane kyuuñ dozaḳh se bad-tar ho ga.e hālāt aaj
rashk-e-jannat kal talak hindostāñ merā bhī thā

farishte jannat ko le chale the pa tere kūche meñ ham jo pahuñche
machal ga.e un se kah ke chhoḌo hameñ yahī gulshan-e-iram hai

bāġh-e-jannat meñ bhī kyā ḳhuub guzartī merī
vaañ bhī sar par jo tirī zulf kā saayā hotā

jannat tū apnī dekh udhar kuchh kamī na ho
dozaḳh kī fikr chhoḌ idhar sab durust hai

gaañv gaañv maañg rahe haiñ qismat kī ḳhairāt
jannat dozaḳh bechne vaale shahrī piir faqīr

uThā.eñge na ai 'naḳhshab' kabhī nazreñ sū-e-jannat
tasavvur meñ bahār-e-kū-e-jānāñ dekhne vaale

koī kyuuñ aa.egā dobāra tirī jannat meñ
daana bhī chhīn liyā daam bhī rahne na diyā

kahāñ chain se aaj duniyā meñ koī
ye jannat banā dī ga.ī hai jahannam

dozaḳh ke sab darvāze to khule hue haiñ
jannat ke darvāze par kyā taalā hogā

tū sarāpā ajr ai zāhid maiñ sar-tā-pā gunāh
bāġh-e-jannat terī ḳhātir karbalā mere liye

ham ko jannat kī fazā se bhī ziyāda hai aziiz
yahī be-rañg sī duniyā yahī be-mehr se log

tere jism-e-hasīñ meñ ḳhvābīda
bāġh-e-jannat kā azhdahā to nahīñ

tujh bin use ye samjheñ ki hai shola-e-dozaḳh
gar ho gul-e-jannat gul-e-dastār hamārā

tirā jaam jām-e-kausar tirā mai-kada hai jannat
mire haal pe karam kar mirī tishnagī bujhā de