English
Favourite
Favourite
UrduShayarUrduShayar
Expand menu
Sign inAccount

Tags-Jannat

kah do unheñ aa kar mirī jannat meñ vo bas jaa.eñ
jannat se nikāle hue jo aa.e hue haiñ
Ghazal
 mana ki teri bazm mein chand aae hue hain
jannat kā jumūd achchhā hai yā kashmakash-e-ishq
ye jurm mohabbat ke gunahgār se pūchho
Ghazal
 kuchh shama se puchho na shab-e-tar se puchho
māñge koī daulat koī izzat koī jannat
aur āshiq-e-be-dil kī duā aur hī kuchh hai
Ghazal
 nusKHe mein tabibon ne likha aur hi kuchh hai
phir na aayā ḳhayāl jannat kā
jab tire ghar kā rāsta dekhā
Ghazal
 dil ke diwar-o-dar pe kya dekha
jis meñ lākhoñ baras kī hūreñ hoñ
aisī jannat ko kyā kare koī
Sher
 jis mein lakhon baras ki huren hon
ḳhushī ke ta.āqub meñ hai ġham yahāñ
ye duniyā jahannum hai jannat nahīñ
Ghazal
 use kaamyabi ki hajat nahin
fasl-e-gul kuchh bhī nahīñ bād-e-sabā kuchh bhī nahīñ
terī mahfil ho to jannat kī fazā kuchh bhī nahīñ
Ghazal
 fasl-e-gul kuchh bhi nahin baad-e-saba kuchh bhi nahin
roze rakhvāo khulvāo jannat paao
banda to do vaqt kā khānā DhūñD rahā hai
Ghazal
 is se phulon wale bhi aajiz aa gae hain
siikh duniyā hī meñ zāhid huur se milne ke Dhañg
varna ro.egā ki jannat meñ bhī rusvā.ī huī
Ghazal
 maut ke chehre pe hai kyun murdani chhai hui
mujh meñ jannat bhī mirī aur jahannam bhī mirā
jārī-o-sārī jazā aur sazā hai mujh meñ
Ghazal
 kya bataun ki jo hangama bapa hai mujh mein
phir kisī jannat-e-gum-gashta ko dekhā us ne
jism phir chhoḌ chalā jism kā zindāñ ḳhālī
Ghazal
 barha ho ke gae abr-e-bahaaran Khaali
apnī jannat mujhe dikhlā na sakā tū vaa.iz
kūcha-e-yār meñ chal dekh le jannat merī
Sher
 apni jannat mujhe dikhla na saka tu waiz
hameñ piine se matlab hai jagah kī qaid kyā 'beḳhud'
usī kā naam jannat rakh diyā botal jahāñ rakh dī
Sher
 hamein pine se matlab hai jagah ki qaid kya beKHud
punjab ko dekho to ik aag kā dariyā hai
kashmīr meñ jannat kī tasvīr nahīñ miltī
Sher
 punjab ko dekho to ek aag ka dariya hai
ḳhaas zāhid ke liye jannat to ho saktī nahīñ
āḳhir ik banda 'sharaf' allāh kā maiñ bhī to huuñ
Ghazal
 chhoD kar mujhko chali ai bewafa main bhi to hun
varna jannat se kahāñ mujh ko nikālā jaatā
jo nahīñ kī vo ibādat mire kaam aa.ī hai
Ghazal
 kaun kahta hai ki wahshat mere kaam aai hai
nayā nayā maiñ nikālā huā thā jannat se
zamīñ banā.ī ga.ī jin dinoñ yahīñ pe thā maiñ
Ghazal
 falak-nazhad sahi sar-nigun zamin pe tha main
qātil jazā-e-ḳhair mile terī teġh ko
zaḳhmoñ ke muñh khule nahīñ jannat ke dar khule
Ghazal
 jauhar nahin hamare hain sayyaad par khule
chand muḳhlis jahāñ ikaTThā huuñ
vo jagah ahl-e-dil kī jannat hai
Ghazal
 ishq mein har nafas ibaadat hai
ai mire hindostāñ jannat-nishāñ
bām-e-āzādī ke ḳhush-anjām ziine ke liye
Nazm
 qaumi tarana
Top Urdushayar.com