Tags-Jannat

is ko aadam hī kī taqsīr kā samra kahiye
varna jannat kī ye jāgīr kahāñ se aa.ī

pī leñge zarā shaiḳh to kuchh garm raheñge
ThanDā na kahīñ kar deñ ye jannat kī havā.eñ

naaz jis ḳhāk-e-vatan par thā mujhe aah 'jigar'
usī jannat pe jahannam kā gumāñ hotā hai

tum nasīboñ se mile
zindagī jannat huī

kahāñ le jā.egā yārab samand-e-tund vahshat kā
ki pīchhe rah gayā kosoñ dorāhā nār-o-jannat kā

hameñ kyā milā aaj jannat meñ aa kar
hameñ kyā diyā thā guzishta janam ne

hameñ gulzār-e-jannat hai azīzo bāġh-e-dil apnā
samajhte ho ki jāñ-parvar hai sehn-e-gulistāñ hogā

jahāñ se ab guzarnā chāhte haiñ
ki ham jannat meñ rahnā chāhte haiñ

kabhī jannat kabhī dozaḳh kabhī ka.aba kabhī dair
ajab andāz se ta.amīr huā ḳhāna-e-dil

sunā hai ki shā.er ho ai 'josh' tum bhī nazar bāġh-e-jannat pe kyuuñ hai tumhārī
musaddas meñ haalī to ye kah ga.e haiñ jahannam ko bhar deñge shā.er hamāre

jannat bhī usī meñ hai jahannam bhī usī meñ
gahvāra-e-har-ishrat-o-āzār hai duniyā

bhuul jā shauq meñ vaslat ke tū sab ko ai dil
dozaḳh-o-jannat o a.arāf o adam chāroñ ek

ye aur baat ki jannat yaqīñ se aage thī
vahāñ bhī saath gayā ehtimāl duniyā kā

jannat-e-naġhma-o-ġhazal mahfil-e-soz-o-sāz-e-ishq
'tāhira' kyā batā.iye dil hai magar bujhā bujhā

ilm meñ bhī surūr hai lekin
ye vo jannat hai jis meñ huur nahīñ

nikālā mujh ko jannat se ḳhudā kī mehrbānī ne
lihāzā aaj tak ḳhuld-āshiyāñ ḳhud ko samajhtā huuñ

na kyuuñ dil lage yaañ vo hai aur ḳhalvat
ye huurā nahīñ hai ye jannat nahīñ hai

kahāñ ai parī tū kahāñ hūr-e-jannat
tirī us kī aapas meñ nisbat nahīñ hai

us kī galī meñ le ga.e 'āzurdā' ko ise
dī thī duā ye kis ne ki jannat meñ ghar mile

ham shahīdoñ ko kabhī murda nahīñ kahte 'anīs'
rizq jannat meñ mile shaan yahāñ par baaqī