Tags-Jawani

javānī kyā huī ik raat kī kahānī huī
badan purānā huā ruuh bhī purānī huī

piirī jo tū jaave to javānī se ye kahnā
ḳhush rahiyo marī jaan tū jīdhar hai jahāñ hai

ahvāl-e-javānī piirī meñ kyā arz karūñ ik qissa hai
vo tarz ga.ī vo vaz.a ga.ī andāz gayā uslūb gayā

haath malne na hoñ piirī meñ agar hasrat se
to javānī meñ na ye rog basānā hargiz

sarmā kī chāñdnī thī javānī guzar ga.ī
jhulsā rahī hai dhuup buḌhāpā Thahar gayā

qaabū kā tumhāre bhī nahīñ josh-e-javānī
be-chheḌe hue TūTte haiñ band-e-qabā aap

mohtāt 'riyāz' aap javānī meñ bahut haiñ
piirī meñ bhī lūTeñge javānī kā mazā aap

sub.h hotī nahīñ mohabbat kī
raat kaTtī nahīñ javānī se

ab jo ik hasrat-e-javānī hai
umr-e-rafta kī ye nishānī hai

ab jo ik hasrat-e-javānī hai
umr-e-rafta kī ye nishānī hai

kaTī hai goyā shab-e-javānī bas aan pahuñchī hai sub.h-e-pīrī
bahut sī kī tū ne but-parastī ab ek do din ḳhudā ḳhudā kar

ek sitam aur laakh adā.eñ uf rī javānī haa.e zamāne
tirchhī nigāheñ tañg qabā.eñ uf rī javānī haa.e zamāne

merī māyūs javānī tujhe raas aa na sakī
sālhā-sāl ummīdoñ ke samar mil na sake

tirī chashm-e-mai guuñ kā labrez sāġhar
javānī tirī kaif-āvar javānī

hamāre dil kā alamnāk daur hai shāyad
samajh rahe haiñ jise khel sab javānī kā

mirī javānī talāsh-e-ma.āsh meñ 'hāshim'
vatan se duur farāmosh hone vaalī thī

adab ta.alīm kā jauhar hai zevar hai javānī kā
vahī shāgird haiñ jo ḳhidmat-e-ustād karte haiñ

bachpan meñ māñ-bāp kā saaya
javānī tanhā tanhā

saḳht pachhtāte haiñ ham de ke dil us ko 'sayyāh'
apnī afsos javānī pe hameñ aatā hai

laakh chāhā magar ik shoḳh hamārā na huā
kyā javānī ko 'qalaq' muft meñ barbād kiyā