Tags-Jawani

chalo ab soch kar ye hī sharāfat se bichhaḌ jaa.eñ
ye dil-vil to javānī meñ sabhī ne hī lagāyā hai

haiñ pīrī-o-tiflī-o-javānī ke maze aur
duniyā sā koī aur jahāñ ho nahīñ saktā

jo daam uTheñ husn-e-javānī ke vo kam haiñ
saudā ye kisī tarah garāñ ho nahīñ saktā

'qā.em' aatā hai mujhe rahm javānī pe tirī
mar chuke haiñ isī āzār ke bīmār bahut

'hazīñ' koī itnā batā de ḳhudā-rā
javānī meñ kyuuñ pārsā ho ga.e ham

baḌh chukā qad bhī faroġh-e-husn kī had ho chukī
ab to qābil dekhne ke hai javānī aap kī

samay kī āñkhoñ se dekhiye to har ik khañDar meñ chhupe mileñge
kahīñ pe bachpan kahīñ javānī kahīñ buḌhāpā kahīñ udāsī

bhāgī thī ik hasīna bāġhoñ ke shor-o-ġhul se
us kī balā javānī bachchoñ se Dar ga.ī hai

kuchh nahīñ baaqī ab ba-juz ḳhushbū
kyā javānī thī Dhal ga.ī shāyad

kabhī jo zindagī kī be-sabātī yaad aatī hai
to sab kuchh bhuul jaatā huuñ javānī yaad rakhtā huuñ

tanhā na kaT sakeñge javānī ke rāste
pesh aa.egī kisī kī zarūrat kabhī kabhī

log kahte haiñ ki bad-nāmī se bachnā chāhiye
kah do be is ke javānī kā mazā miltā nahīñ

jab se aa.ī hai ḳhudā rakkhe javānī 'aḳhtar'
ham har ik baat par khāte haiñ javānī kī qasam

bevafā umr daġhābāz javānī niklī
na yahī rahtī hai zālim na vahī rahtī hai

vo mujh meñ ab bhī vahī hausle talāshtā hai
kahāñ se DhūñD ke laa.eñ badal javānī kā

ai javānī ai mohabbat marhabā
phir na ye nīndeñ na ye bedāriyāñ

ab javānī kā kareñ kyā tazkira
ek afsāna sā hai bhūlā huā

mohabbat ko kahāñ tāb-e-nazāra
javānī aap hī sharmā rahī hai

ik sham.a rah-e-shauq meñ manzil kī nishānī
ik paikar-e-lafzī kī navā-ḳhez javānī

shūmī-e-zīst ki ye aaj zuleḳhā kī tarah
kāsa-e-umr meñ lamhāt-e-javānī māñge