Tags-Justaju

is daur meñ har ik ko hai ḳhud apnī justujū
koī nahīñ jise tirā joinda kah sakeñ

ab shahr-e-justujū meñ tire baad kuchh nahīñ
ābādi-e-badan meñ jo dil thā malañg thā

sū-e-manzil baḌhe jaatā huuñ mai-ḳhāna ba mai-ḳhāna
mazāq-e-justujū tishna-labī kā naam hai saaqī

jo rahtā hai azal kī justujū meñ
vo duniyā meñ kise gardāntā hai

har qadam hai justujū kī raah meñ dushvār-tar
har qadam par gum-rahī ko rāhbar paatā huuñ maiñ

vo bhī din the jab mire dil ko thī terī justujū
ye bhī din hai dil ko ab terā hī ghar paatā huuñ maiñ

ai ḳhizr! qutb-e-vaqt kī tā-chand justujū
merā murīd ho ki qavī-ul-irāda hoñ

justujū kī mazīd baḳhshī dekh
gul jo DhūñDā bakāvlī bhī milī

maiñ dar-ba-dar huuñ abhī apnī justujū meñ bahut
maiñ apne lahje ko andāz de rahā huuñ abhī

justujū gauhar-e-ma.anī kī ziyāñ vaqt kā hai
kyā parakhtā hai unheñ sarf-e-nazar hai ye bhī

hazār manzil-e-nau yak farāġh-e-gumshudagī
ma.āl-e-hausla-e-justujū samajhte haiñ

zamāñ-makāñ se guzar kar huuñ ālam-e-hū meñ
safar tamām huā shauq-e-justujū bhī nahīñ

jahāñ se mahfil-e-me.arāj meñ huī talabī
bashar kā martaba ye us kī justujū se huā

ik umr justujū meñ guzārī to ye khulā
vo mere paas thā maiñ jise DhūñDhtā rahā

sar-e-rāh dair-o-haram kahīñ jo mile bhī hoñ to ajab nahīñ
hameñ kyā ḳhabar tirī justujū meñ kahāñ kahāñ se guzar ga.e

ab koī justujū nahīñ bhātī
yuuñ tirī justujū ne ḳhvār kiyā

ab 'falak' hai ik na.ī duniyā kī dil kī justujū
ye zamīñ dekhī huī hai āsmāñ dekhā huā

umr-bhar justujū rahegī kyā
aarzū aarzū rahegī kyā

ham ne to justujū ko bhī hai mudda.ā kiyā
ya.anī ki dil ke dard ko husn-e-navā kiyā

yuuñ mahv-e-safar huuñ tirī justujū meñ
nazar merī aage hai shams-o-qamar se