Tags-Justaju

ġham-e-ishq rah gayā hai ġham-e-justujū meñ Dhal kar
vo nazar se chhup ga.e haiñ mirī zindagī badal kar

DhūñDne se gar nahīñ miltā ḳhudā phir DhūñDhiye
sub.h us kī justujū meñ shaam honā chāhiye

ai junūn-e-justujū rāh-e-talab meñ baar baar
har ġhubār-e-kārvāñ ko kārvāñ samjhā thā maiñ

the justujū meñ roz-e-azal jā-e-dard kī
aayā pasand dil mirā is intiḳhāb meñ

koī ḳhvāb hai na ḳhayāl hai koī aarzū hai na justujū
ye kahāñ hai lā ke biThā diyā mujhe qaid-e-jāñ se nikāl ke

hamārā dil use ab DhūñDtā hai
thake haiñ paañv jis kī justujū se

zamīn-e-justujū gard-e-safar kartā huā
ye mujh meñ kaun hai mujh se mafar kartā huā

mujhe ab dekhtī hai zindagī yuuñ be-niyāzāna
ki jaise pūchhtī ho kaun ho tum justujū kyā hai

ai zauq-e-jushtujū tirī himmat pe āfrīñ
manzil ko har qadam pe gurezāñ banā diyā

āzād kī justujū abas hai
pāoge pate kahāñ hamāre

kī justujū to ek nayā ghar milā mujhe
barsoñ ke ba.ad merā muqaddar milā mujhe

na jaane kab se huuñ sargarm-e-justujū ai dost
na jaane kab ruḳh-e-manzil nigāh tak pahoñche