Tags-Justaju

mere hamrāh sitāre kabhī jugnū nikle
justujū meñ tirī har raat muhim-jū nikle

tasavvur ek zehnī justujū kā naam hai shāyad
dil un ko DhūñDh kar laatā huā mahsūs hotā hai

idhar mirā dil taḌap rahā hai tirī javānī kī justujū meñ
udhar mire dil kī aarzū meñ machal rahā hai shabāb terā

ik ik qadam pe dars-e-vafā de rahā huuñ maiñ
ye kis kī justujū hai kidhar jā rahā huuñ maiñ

jo mauqā mil gayā to ḳhizr se ye baat pūchheñge
jise ho justujū apnī vo bechāra kidhar jaa.e

aarzū thī jis ko paane kī hameñ
justujū us aarzū tak aa ga.ī

kyā batā.eñ fikr kyā hai aur kyā hai justujū
haañ tabī.at din-ba-din apnī bhī sailānī huī

jis kī talāsh kījiye mil jaa.e kyā zarūr
jiine kī justujū meñ ka.ī yaar mar ga.e

miltī nahīñ hai rāh-e-sukūñ ḳhauf-o-yās meñ
gulshan kī justujū hai to sahrā se bach ke chal

josh-e-vahshat meñ thī us kī justujū donoñ taraf
ik qadam merā thā ghar meñ ek vīrāne meñ thā

mile vo lamha jise apnā kah sakeñ 'kaifī'
guzar rahe haiñ isī justujū meñ māh-o-sāl

shāḳh shāḳh sargardāñ kis kī justujū meñ haiñ
kaun se safar meñ haiñ titliyāñ nahīñ khultīñ

kis kī ham justujū meñ nikle the
nahīñ paate kahīñ surāġh apnā

mirī justujū intihā to nahīñ hai
abhī aur nikhreñge rañgīñ nazāre

tum gañvā doge ek din mujh ko
phir mirī justujū karoge tum

agar hai pyaas bujhānī to justujū bhī karo
bachā ke kis ne rakhī hai sharāb kis ke liye

rah ke 'najmī' ne pas-e-parda yahāñ
kar diyā hai sab ko mahv-e-justujū

be-talab ik justujū sī be-sabab ik intizār
umr-e-be-pāyāñ kā itnā muḳhtasar qissa bhī kyā

maiñ apnī justujū meñ yahāñ tak pahuñch gayā
ab aa.ina hī rah gayā hai darmiyān meñ