Tags-Justaju

ab mirī justujū kare sahrā
ab samundar pe chal rahā huuñ maiñ

pahuñch ke hashr ke maidāñ meñ haul kyuuñ hai 'azīz'
abhī to pahlī hī manzil hai justujū karte

jal-bujhe justujū ke parvāne
mustaqil manzil-e-surāġh jale

mujhe ab dekhtī hai zindagī yuuñ be-niyāzāna
ki jaise pūchhtī ho kaun ho tum justujū kyā hai

nigāheñ muntazir haiñ kis kī dil ko justujū kyā hai
mujhe ḳhud bhī nahīñ ma.alūm merī aarzū kyā hai

mujhe us junūñ kī hai justujū jo chaman ko baḳhsh de rañg o bū
jo naved-e-fasl-e-bahār ho mujhe us nazar kī talāsh hai

un ko jigar kī justujū un kī nazar ko kyā karūñ
mujh ko nazar kī aarzū apne jigar ko kyā karūñ

DhūñDne vaalā hī ḳhud kho jā.egā
justujū hī justujū rah jā.egī

firāq rut meñ akelā manzil kī justujū meñ nikal paḌā huuñ
visāl lamhoñ ke ham-qadam vo qadam damā-dam Thahar ga.e haiñ

qadam qadam pe ajab hādsāt-e-ġham guzre
jahāñ jahāñ se tirī justujū meñ ham guzre

tirī justujū meñ dekhā maiñ kahāñ kahāñ se guzrā
kabhī is zamīñ ko rauñdā kabhī āsmāñ se guzrā

kamāl-e-be-ḳhudī manzil-ba-manzil kaam kartā hai
junūn-e-justujū sar-dar-garebāñ hai jahāñ maiñ huuñ

manzil kī justujū meñ pahuñche kahāñ kahāñ ham
dekhā kiye tamāsha raste badal badal kar

ḳhud hī gum ho ke rah ga.e 'anvar'
hāsil-e-justujū huā kyā hai

āb-e-hayāt se bhī kaḌā hai tirā husūl
maiñ phir bhī terī kartā huuñ kyoñ justujū na pūchh

is qadar mahke hai us kākul-e-mushkīñ kī shamīm
justujū meñ hue 'bedār' ġhazāl-e-ḳhutanī

niklā jo qāfile se na.ī justujū liye
kuchh duur saath saath mire rāhbar ga.e

kahāñ le jā.egī dekhūñ ye merī aarzū mujh ko
liye phirtī hai har jānib tumhārī justujū mujh ko

be-natīja hī rahī hai har safar kī justujū
DhūñDne nikle the jis ko vo jahāñ miltā na thā

vahī to hai jo mirī justujū kī manzil hai
koī bhī shaḳhs jo mujh sā dikhā.ī detā hai