Tags-Justaju

vādī-e-justujū se guzrīñ to kyā ajab hai
vārafta kaise kaise lail-o-nahār haiñ ham

vahī manzileñ vahī dasht o dar tire dil-zadoñ ke haiñ rāhbar
vahī aarzū vahī justujū vahī rāh-e-pur-ḳhatar-e-junūñ

nazar aayā na kahīñ nāseh-e-nādāñ merā
justujū jis kī thī vo miTTī kā babuvā na milā

ai yaar justujū meñ tirī sūrat-e-ġhubār
sar-gashta huuñ pa gardish-e-daurāñ se duur huuñ

is ḳharābī meñ tire vāste phirte haiñ ḳharāb
justujū ham ko hai ai kunj-e-nihānī terī

mujhe din raat rahtī hai tumhārī justujū ab bhī
tasavvur meñ kiyā kartā huuñ tum se guftugū ab bhī

ḳhud-shanāsī thī justujū terī
tujh ko DhūñDā to aap ko paayā

nadīm kis ke qadam haiñ ye zeb-e-kāhkashāñ
chalā ye kaun kidhar kis kī justujū ke liye

rumūz-e-arsh to khul jā.eñge kabhī na kabhī
hayāt vaqfa hai ḳhud apnī justujū ke liye

mujh se adā huā hai 'jigar' justujū kā haq
har zarre ko gavāh kiye jā rahā huuñ maiñ

jis kī thī ham ko justujū
kyuuñ vo hameñ milā nahīñ

mazā to jab hai tirī justujū meñ jān-e-bahār
mire vajūd kā ho jaa.e sāmnā mujh se

har nafas vaqf-e-ārzū kar ke
kuchh bhī paayā na justujū kar ke

halāk-e-justujū thā hirs kā maarā na thā pahle
dahī dil hai magar itnā bhī āvāra na thā pahle

uḌā detī hai apnī ḳhaak jab tab
zamīñ kī justujū bhī āsmāñ hai

tujhī se guftugū har dam tirī hī justujū har dam
mirī āsāniyāñ tujh se mirī mushkil hai tū hī tū

mirī justujū ko faqīh-e-shahr batā rahā hai sharīk-e-zeher
use kyā ḳhabar ki dimāġh o dil yahī zahr khā ke nikhar ga.e

tirī justujū hī mirī zindagī hai
mire naqsh-e-pā meñ har ik rahguzar meñ

manziloñ kī justujū meñ bār-hā
manziloñ se aage baḌh jaatā huuñ maiñ

gul kī na tuḳhm murġh-e-chaman kar sake talāsh
ham ḳhām-fitratoñ se tirī justujū na ho