Tags-Justaju

ḳhud apne shahr meñ apnā shanāsā.ī nahīñ koī
na jaane justujū apnī ye kis manzil pe laa.ī hai

ik piyāda sar karegā saarā maidān-e-jadal
shart hai josh-e-junūñ aur justujū merī tarah

maiñ
hayāt-e-muhmal kī justujū meñ

kyā gum ham ne dil ko justujū meñ dāġh-e-hasrat kī
kisī ko pā ke kho baiThe kisī ko DhūñDh kar paayā

pā kar tujhe halāvat kyā kyā uThāte haiñ vo
kuchh dil hī dil meñ terī karte haiñ justujū jo

kuchh mujhe bhī sīdhe-sādhe rāstoñ se bair hai
kuchh bhaTak jaane ke baa.is justujū us kī bhī thī

zindagī ik dūsre ko DhūñDne meñ kaT ga.ī
justujū merī bhī dushman thī adū us kī bhī thī

hamārī justujū se dūr-tar hai manzil-e-ma.anī
usī ko kho.e rakhnā hai jise ham paa.e rakhte haiñ

qarīb aao, in āñkhoñ kī justujū dekho
hayāt ban ke mire saath jagmagāyā karo

maiñ ḳhud hī ḳhūgar-e-ḳhalish-e-justujū na thā
dushvār varna marhala-e-ārzū na thā

ham ahl-e-azm agar dil se justujū karte
to aur manzil-e-jānāñ ko surḳh-rū karte

safar tamām huā gard-e-justujū bhī ga.ī
tirī talāsh meñ niklī to aarzū bhī ga.ī

har ek lamha bhañvar hai har ek pal tūfāñ
kahāñ tak aur maiñ sāhil kī justujū meñ baḌhūñ

pahle to justujū thī manzil kī
ab koī kaam dūsrā he mujhe

rāhbar terā sitāra na rahe
justujū aisī ḳhudārā na rahe

use kabhī na samundar kī justujū hotī
tahoñ meñ apnī utar kar jo dekhtā dariyā

har qadam par thī us kī manzil lek
sar se saudā-e-justajū na gayā

ai shaḳhs maiñ terī justujū se
bezār nahīñ huuñ thak gayā huuñ

ga.ī javānī to jaa.e dilbar mujhe hai ulfat hanūz baaqī
vo iltijā bhī nahīñ ga.ī hai vo justujū bhī nahīñ ga.ī hai

mileñge raah meñ aise aise bhī ham-safar 'tābāñ'
qadam qadam jinheñ manzil kī justujū hogī