Tags-Justaju

nahīñ nigāh meñ manzil to justujū hī sahī
nahīñ visāl mayassar to aarzū hī sahī

un kā jalva huā hai pesh-e-nazar
justujū kāmrān hotī hai

dasht o junūñ kā silsila mere lahū meñ aa gayā
ye kis jagah pe maiñ tumhārī justujū meñ aa gayā

khaḌe haiñ do-rāhe pe dair o haram ke
tirī justujū meñ safar karne vaale

iblāġh ke liye na tum aḳhbār dekhnā
ho justujū to kūcha-o-bāzār dekhnā

zo.af se hai ne qanā.at se ye tark-e-justujū
haiñ vabāl-e-takiya-gāh-e-himmat-e-mardāna ham

ajiib kaifiyat āḳhir talak rahī dil kī
farāz-e-dār meñ bhī justujū thī manzil kī

vo aap kar rahī hai mudām us kī justujū
sho.ale ko apnā go nahīñ detī surāġh sham.a

justujū bhī mirā fan hai mire bichhḌe hue dost
jo bhī dar band milā us pe sadā de dūñgā

kise DhūñDhte haiñ yahī DhūñDhte haiñ
yahī justujū hai agar justujū hai

tumhārī aarzū meñ maiñ ne apnī aarzū kī thī
ḳhud apnī justujū kā aap hāsil ho gayā huuñ maiñ

is ahd-e-nā-shanās meñ iḳhlās kī talab
gauhar kī justujū hai habāboñ ke shahr meñ

usī ko dard kahtā hai usī ko dard kā darmāñ
nahīñ ye ishq to ai dil batā phir justujū kyā hai

zindagī kī rāhateñ miltī nahīñ miltī nahīñ
zindagī kā zahr pī kar justujū meñ ghūmiye

ham mahv-e-justujū the 'sahar' mustaqil magar
manzil milī na phir bhī muqaddar ajiib thā

na fikr koī na justujū hai na ḳhvāb koī na aarzū hai
ye shaḳhs to kab kā mar chukā hai to be-kafan phir ye laash kyuuñ hai

aa.e agar qayāmat to dhajjiyāñ uḌā deñ
phirte haiñ justujū meñ fitne tirī galī ke

aur hoñge jin ko manzil mil ga.ī
justujū tark-e-safar tak aa ga.ī

kuchh un kī justujū hai na kuchh apnī guftugū
ye kyā banā diyā sitam-e-rozgār ne

justujū ke liye niklegā jo ḳhvāhāñ un kā
ghar batā degā koī mard-e-musalmāñ un kā