Tags-Kamar

mādūm dahan hotā mafqūd kamar hotī
ma.ashūq 'zarīf' aisā hotā bhī to kyā hotā

bāñdhe na phire ḳhuun par apnī to kamar ko
ye jān-e-subuk tan pe tire baar na hove

ye ḳhuub jāntā huuñ kasī ko karoge qatl
ḳhanjar kamar meñ aap tajāhul se bāñdhiye

bojh se apne us kī kamar jhuk ga.ī
qad magar aur kuchh aur baḌhtā rahā

rag-e-jāñ kab aatī hai āñkhoñ meñ 'mīr'
ga.e haiñ mizāj us kamar kī taraf

kohkan ko kamar-e-koh diyā
qais ko dasht kā dāmāñ baḳhshā

bahut kamar ke lachakne kā hai ḳhayāl un ko
jo do qadam bhī chale pā.iñchoñ ko thaam liyā

zabāñ pe va.az hai aur dil tirā hai istiġhlāz
ba-va.az-e-behūda mat bāñdh tū kamar vaa.iz

nau-ḳhez kucheñ do ġhuncha haiñ hai narm shikam ik ḳhirman-e-gul
bārīk kamar jo shāḳh-e-gul rakhtī hai lachak phir vaisī hī

har mū-kamar ke sau sau bal paḌ ga.e kamar meñ
paTkā jo bāñdh kar vo bal-dār ghar se niklā

taqdīr meñ hai terī dahān-o-kamar kā ishq
sirr-e-nihāñ likhā hai mirī sarnavisht meñ

maze uThāte qamar-bañd kī tarah se agar
kamar se yaar kī jaate ham ek baar lipaT

miyāñ hāl-e-'maqtūl' dekhā nahīñ kyā
kamar aap kis par bhalā bāñdhte haiñ

hai bhī kuchh yā nahīñ maiñ haath lagā kar dekhūñ
haath uThā.e to zarā apnī kamar se koī

jo bāñdhī kamar qatl-e-ushshāq par
kamar to na thī par kamar ho ga.ī

shāḳh-e-gul hai ki kamar baad se lachke hai tirī
ai miyāñ itnī bhī nāzuk-badanī ḳhuub nahīñ

ho chukā zikr-e-dahan vasf-e-kamar likhte haiñ ham
daam meñ sayyād ke phañstā hai anqā ek aur

pusht gul-barg shikam siim kamar tār-e-nigāh
sān-e-billor gulāvaT meñ har ik raan parī

agar āshiq nahīñ mū-e-kamar par
ye choTī kis liye pīchhe paḌī hai