Tags-Kamar

chaurañg nahīñ kyuuñ khelte ab kis kushte pe rahm aayā hai tumheñ
ḳhūñ-reziyoñ kā kyuuñ shauq nahīñ kyuuñ zeb-e-kamar samsām nahīñ

un kī kamar kā koī pata hī nahīñ kahīñ
ye dūsrā tilism-e-nazar hai humā ke ba.ad

tum aa.ine meñ ye kis nāznīñ se kahte the
baġhaur dekh kamar vaañ nahīñ to yaañ bhī nahīñ

aap kī nāzuk kamar par bojh paḌtā hai bahut
baḌh chale haiñ had se gesū kuchh inheñ kam kījiye

aap kī nāzuk kamar par bojh paḌtā hai bahut
baḌh chale haiñ had se gesū kuchh inheñ kam kījiye

ek muddat huī ham vasf-e-kamar karte haiñ
par ye ma.alūm nahīñ us ke kamar hai ki nahīñ

'jalīl' ustād kā kahnā suno bāñdho kamar tum bhī
ajab bastī madīna hai jahāñ rahmat barastī hai

nāznīñ ye hai ki ai 'shād' nazar-bāzoñ ko
kamar us kī jo dikhā.ūñ to dikhā hī na sakūñ

ye dasht-o-daman koh o kamar kis ke liye hai
har lamha zamīñ garm-e-safar kis ke liye hai

rahī jo un se tumheñ kudūrat to baḌh ga.ī vahshiyoñ kī vahshat
uḌaa.ī is darja ḳhāk-e-hasrat kamar kamar tak gaḌe hue haiñ

kamar kamān huī jā rahī yuuñ 'gauhar'
maiñ jaise ḳhud ko dobāra uThāne vaalā nahīñ

āñkhoñ se nikalvāiye āñkheñ hirnoñ kī
chītoñ kī kamar toḌiye nāzuk-kamarī se

na the tujh se nāzuk mayānā-e-gulshan
bahut to kamar jaise mū thī kasū kī

kisī ke hosh ko kah do agar chalā chāhe
to apne ghar se kamar bāñdh kar abhī nikle

ghaas ke jhulse hue maidān meñ
ik kamar tak barhana

qatl-e-ushshāq pe lo aur uThāo ḳhanjar
jhuk ga.ī bār-e-nazākat se kamar dekh liyā

ba-faiz-e-bār-e-malāmat jhukī kamar merī
harā shajar thā magar shahr-e-be-samar meñ thā

kiyā thā use bosa-bāzī ne paidā
kamar kī tarah se jo ġhā.eb dahāñ thā

tahzīb ke rā.anā paikar se ye bār-e-amānat uTh na sakā
nāzūra-e-ahd-e-hāzir kī nāzuk thī kamar bal khā hī ga.ī

sar to chāhe hai mirā hove mayassar tere
haath kā baazū kā zaanū kā kamar kā takiya