Tags-Kamar

jo hue farishtoñ meñ mashvare kare kaun ishq kī raah tai
kamar apnī bāñdh ke jo uThā to 'jigar' sā mard-e-javāñ uThā

bāġhbāñ kā ye nahīñ jurm nasīb apne ki vo
chhāñT kar sab meñ pakaḌ merī kamar letā hai

qadam sau man ke lagte haiñ kamar hī TuuT jaatī hai
koī ummīd jab bar aatī aatī TuuT jaatī hai

vo sajī teġh ki dam meñ kare lākhoñ ko qatl
kaun kahtā hai miyāñ terī kamar mū sī hai

itnā bhārī na Dāliye mūbāf
bal na khaa.e kahīñ kamar hī to hai

kis kī ham-āġhoshī kā thā azm jo
zulf tirī tauq-e-kamar ho ga.ī

kamar-e-yār ke mazkūr ko jaane de miyāñ
tū qadam is meñ na rakh raah ye bārīk hai dil

ham ḳhud bhī kamar bāñdh ke tayyār haiñ qāsid
kyā hogī tire paas ḳhabar is se ziyāda

kamar hī ko tirī parvā nahīñ hai kuchh us kī
vagarna ja.ad to kab tā-kamar nahīñ aatī

jalva sifat-e-sham.a hai gardan se kamar tak
kis nuur ke sāñche meñ Dhalī gaat tumhārī

rishta-e-jāñ se bhī nāzuk hai vo bārīkī meñ
gul kī rag phir hai gudāz us kī kamar kuchh bhī nahīñ

shāhid-e-hastī-e-mutlaq kī kamar hai aalam
log kahte haiñ ki hai par hameñ manzūr nahīñ

hai bhī aur phir nazar nahīñ aatī
dhyān meñ vo kamar nahīñ aatī

din bhar vahī lamhāt se rahnā mutasādim
shab bhar vahī lamhoñ kī kamar TūTte rahnā

bāñdhī zāhid ne tavakkul par kamar sau baar chust
lekin āḳhir bā.is-e-sussti-e-himmat khul ga.ī

sar-e-rāh un ko ba-yak-nazar kabhī dekhiye to vahī adā
vahī be-niyāzī-e-mahvashāñ vahī zulf tā-ba-kamar paḌī

dil-e-bairāgī-e-'uzlat' meñ rakhtā hai dam-e-hastī
kamar meñ uus miyāñ ke jaise sailī kā mutakkā hai

hairān huuñ aa.ī na nazar meñ kamar us kī
da.avā thā mujhe apnī 'razā' dīda-varī kā

jo chāñd se haiñ badan haiñ vo chāñd tāroñ meñ
guloñ meñ haikaleñ haikal ke tā-kamar ta.avīz

na ho nāzuk itnā bhī mashshāta koī
dahan dekh lenā kamar dekh lenā