Tags-Kamar

ga.e sar se jabki vo tā-kamar to alif idhar kā huā udhar
tirā joḌā khulte hī baal sab pas-e-pusht aa ke balā hue

āshiq mū-e-kamar kī le ḳhabar o be-ḳhabar
suukh kar tinkā hue haiñ us ke saare hāth-pāoñ

dīda-e-bārīk-bīñ rāh-e-adam par ho juuñ
marg pe dil dharnā hai us kī kamar dekhnā

tā-kamar abr-e-mizha apnā to barsā sau baar
na huā mauj-zanāñ ta-ba-gulū paanī ek

dhar ke haath apnā jigar par maiñ vahīñ baiTh gayā
jab uThe haath vo kal rakh ke kamar par apnā

bārīk-bīñ huuñ mujh se kaho us miyāñ kī baat
rahtā hai bas-ki dil meñ ḳhayāl-e-kamar mujhe

dādā-miyāñ kā chashma āñkhoñ meñ ham lagā kar
rasta chaleñ kamar ko apnī zarā jhukā kar

hamāre qatl ko lo nāzukī se pahle salāh
abhī to ḳhanjar-e-zeb-e-kamar kamar meñ rahe

bajā kahte aa.e haiñ hech us ko shā.er
kamar kā koī ham se mazmūñ na niklā

mū-e-ātish-dīd saañ bal khaa.e vo mū-e-kamar
maiñ jo likkhūñ garm mazmūñ us tilā.ī Daab kā

kamar-e-yār ke mazkūr ko jaane de miyāñ
tū qadam is meñ na rakh raah ye bārīk hai dil

mazmūñ na bañdhā mū-e-kamar kā to vo bole
TeḌhā na huā shā.iroñ se baal hamārā

ye maslahat hai bujhāne kā jab irāda ho
havā diye kī kamar thapthapāne lagtī hai

zulf sumbul hai aur kamar rag-e-gul
hai ye tārīf mū-ba-mū terī

mujh ḳhūñ-girafta par mire qātil kamar na bāñdh
meñ aap apne qatl kā ḳhvāhāñ shitāb huuñ

kamar kī justujū se kyā dahan kī aarzū kyuuñ ho
mohabbat ke marāhil meñ adam yuuñ bhī hai aur yuuñ bhī

apne ta.iiñ aap vo nahīñ paate
fikr meñ tujh kamar kī haiñ jo za.iif

fikr hai shauq-e-kamar ishq-e-dahāñ paidā karūñ
chāhtā huuñ ek dil meñ do makāñ paidā karūñ

raftār naaz meñ ye lachak jaatī hai ki bas
goyā tirī kamar meñ sanam ustuḳhāñ nahīñ

koī thā kūche meñ sanam ke jo aaj
girya-e-ḳhūñ tā-ba-kamar kar gayā