Tags-Kamar

ḳhūn-e-āshiq par kamar bāñdhe hue haiñ ḳhūb-rū
teġh-e-misrī halq par hotī jo sharbat māñgtā

hai nau-javānī meñ zo.af-e-pīrī badan meñ ra.asha kamar meñ ḳham hai
zamīñ pe saaya hai apne qad kā ki jāda-e-manzil-e-adam hai

gustāḳh haath tauq-e-kamar yaar ke hue
hadd-e-adab se paañv ko aage baḌhā chuke

pītāmbar nafīs kamar meñ kasā huā
ḳhushbū se haar phuul kī mandir basā huā

kaho phir ye kamar moTī hai sar chhoTā hai dilbar kā
nahīñ to phir qad-e-jānāñ sanobar ho nahīñ saktā

kamar jis ke na ho vo baar se kyuuñ kar chalegā phir
ḳhilāf-e-aql hai ye is tarah par ho nahīñ saktā

kamar dhokā dahan uqda ġhazāl āñkheñ parī chehra
shikam hiirā badan ḳhushbū jabīñ dariyā zabāñ iisā

pahle hāthoñ meñ haath rahtā thā
zindagī ab kamar pe baiThī hai

ham se paa.ī nahīñ jaatī kamar us kī ai zulf
tū hī kuchh raah batā de to kamar paidā ho

go ham bhī kuchh aise un se ḳhursand nahīñ
lekin un ke ḳhilāf bhī qamar-bañd nahīñ

karūñ mū o zulf kā kyā bayāñ ki ajiib qissa hai darmiyāñ
ye idhar ko siine pe aa rahī vo udhar kamar ke chale ga.e

ārām se soyā na kamar kā tirī kushta
marqad meñ bhī mūrān-e-tah-e-gil ne satāyā

vo surāhī sī jo gardan kī hai TūTī-phūTī
vo kamar hī na rahī jis meñ ki paidā ho lachak

chust kamar kā kyā sabab tañg qabā kī vaj.h kyā
ham to haiñ aap sar-ba-kaf ham se adā kī vaj.h kyā

gorī ne paañv raah ke patthar pe rakh diyā
ya.anī kamar ke zor se gāgar chhalak uThī

maiñ kahā ḳhalq tumhārī jo kamar kahtī hai
tum bhī is kā kahīñ kuchh zikr-o-bayāñ sunte ho

maiñ kahā ḳhalq tumhārī jo kamar kahtī hai
tum bhī is kā kahīñ kuchh zikr-o-bayāñ sunte ho

raat kī zulf kahīñ tā-ba-kamar khul jaa.e
ham pe bhī chāñd sitāroñ kī Dagar khul jaa.e

maiñ kāfir huuñ par dekh saktā nahīñ
kamar se tirī rabt-e-zunnāriyāñ