Tags-Kamar

āshiq-e-abrū ko kyā qatl karoge nādāñ
nannhī talvār jo hai zeb-e-kamar aaj kī raat

merī gustāḳhī na yaad aa.e ilāhī hargiz
un ko bekal na kare fikr-e-kamar aaj kī raat

bāloñ ne tire balā dikhā dī
jab khul ke vo aa rahī kamar par

kamar javāb de ke jhuk ga.ī badan
savāliya nishān ban ke rah ga.e

kyā butoñ meñ hai ḳhudā jaane ba-qaul-ustād
na kamar rakhte haiñ kāfir na dahan rakhte haiñ

shab-gazīda dayāroñ ke nāqa-savāroñ meñ mahtāb-chehra tumhārā na thā
ḳhaak meñ mil ga.e raah takte hue sab ḳhamīda kamar bām-o-dar yā aḳhī

'ārish' jo mere sar pe nahīñ ho sake savār
vo saare log merī kamar par savār haiñ

sau balā.eñ aa ga.iiñ ushshāq par
jab kamar tak aa ga.e gesū-e-dost

ai miyāñ dekh tujh kamar meñ teġh
TukḌe TukḌe jigar huā kaT kaT

qatl aur mujh se saḳht-jāñ kā qatl
teġh dekho zarā kamar dekho

kamar-e-yār ke mazmūn ko bāñdho 'ātish'
zulf-e-ḳhūbāñ sī rasā tum ko tabī.at dī hai

āñkheñ mirī faqīr huiiñ shauq-e-dīd meñ
tasma kamar meñ hai nigah-e-intizār kā

ḳharchoñ ke bojh ne kamar toḌī
shauq se kui jhukā nahīñ huuñ maiñ

ḳhanjar na kamar meñ hai na talvār rakhe hai
āñkhoñ hī meñ chāhe hai jise maar rakhe hai

fikr meñ mū-e-kamar kī tire hairān rahe
vahī daqqāq jo khīñche hai sadā baal kī khaal

kuchh to so.e hue ehsās ke baazū thirke
ab ke paanī kā bhañvar tā-ba-kamar to aayā

aave vo agar yār-e-safar-karda to 'inshā'
maiñ dauḌ ke kis lutf se khulvā.ūñ qamar-bañd

chalo ye achchhā ki chandan badan se duur rahe
maiñ saañp ban ke kamar se lipaT gayā hotā

hai dahan ġhā.eb aur kamar anqā
ḳhud bhī nāyāb ho humā kī tarah